الماتىدا تەڭگەنى رۋبلگە قولايلى باعادا ايىرباستايمىن دەپ تۇرعىنداردى الداپ سوققان ەر ادام ۇستالدى.
الماتى پوليسياسى تەڭگەنى رۋبلگە ايىرباستاعان كاسىپكەر ەر ادامدى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«28 جاستاعى ا.ەسىمدى ازامات ءبىرقاتار الاياقتىق جاسادى دەگەن كۇدىكپەن قۇرىقتالدى. ەر ادام الەۋمەتتىك جەلى ارقىلى تەڭگەنى رۋبلگە قولايلى باعامەن ايىرباستاۋ تۋرالى حابارلاندىرۋ جاريالادى. قازىرگى ۋاقىتتا تەرگەۋ كۇدىكتىنىڭ الداۋدىڭ 4 دەرەگىنە قاتىسى بار ەكەندىگىن دالەلدەدى. تەرگەۋ بارىسىندا بەلگىلى بولعانداي، كۇدىكتى ءبىر جاعدايدا 300 مىڭ تەڭگەنى، ەكىنشىسىندە 1 ميلليون تەڭگەنى «ايىرباستاعان». انىقتالعان دەرەكتەر بويىنشا، ق ر قك-نىڭ 190-بابىنا سايكەس، تەرگەۋ امالدارى جۇرگىزىلۋدە»، – دەپ حابارلادى، اۋەزوۆ اۋداندىق پب-عا قاراستى پوليسيا ءبولىمىنىڭ باستىعى ەدىلحان بايعارايەۆ.
پوليسيانىڭ ايتۋىنشا، الدانعان ادامدار الدەقايدا كوپ بولۋى مۇمكىن. وسىعان وراي، ءتارتىپ ساقشىلارى اتالعان ادامنىڭ سۋرەتىن مۇقيات قاراپ شىعۋدى جانە ونى تانىعان جاعدايدا مىنا تەلەفون نومىرلەرىنە حابارلاسۋدى سۇرايدى: 8-747-359-79-24؛ 8-708-909-75-76؛ 8-701-775-08-35.
اقپارات كوزى Polisia.kz سايتىندا: https://polisia.kz/almatyda-tenggeni-rubl-ge-qolajly-baghada-ajyrbastaghan-er-adam-ustaldy/