كەلگەن ادامداردان جۇقتىرۋ ءقاۋپى جەرگىلىكتى ىندەتكە قاراعاندا تومەن.
14 جەلتوقساننان باستاپ گونكونگ بيلىگى كىرۋشىلەرگە ءۇش كۇندىك كارانتيندى الىپ تاستادى. بۇل تۋرالى سەيسەنبىدە گونكونگ اكىمشىلىگىنىڭ باسشىسى دجون لي جۋرناليستەرگە حابارلادى، دەپ حابارلايدى Almaty-akshamy.kz Inbusiness.kz cىلتەمە جاساپ.
"شەشىم سوڭعى دەرەكتەرگە جانە كوروناۆيرۋستىڭ تارالۋ تاۋەكەلدەرىن باعالاۋعا نەگىزدەلگەن. كەلگەن ادامداردان جۇقتىرۋ ءقاۋپى جەرگىلىكتى ىندەتكە قاراعاندا تومەن. ءبىز شەكتەۋ شارالارىن توقتاتۋ [كوۆيدتىڭ] ينفەكسيانىڭ ءورشۋ ءقاۋپىن ارتتىرمايدى دەپ ويلايمىز"، — دەپ ءتۇسىندىردى ول.
سارسەنبىدەن باستاپ گونكونگ مەرياسىنىڭ بۇيرىعىنا سايكەس، كوروناۆيرۋسقا تەرىس سىناقتان وتكەن جولاۋشىلارعا سمارتفوندارداعى ارنايى قوسىمشادا قوعامدىق ورىندارعا ءۇش كۇن بويى تىيىم سالاتىن "قىزعىلت سارى دەنساۋلىق كودى" بەرىلمەيدى. ياعني ەندى QR-كودتارىن سكانەرلەگەن كەزدە، ەش كەدەرگى بولمايدى.
سوڭعى تاۋلىكتە گونكونگتا كوروناۆيرۋستى جۇقتىرۋدىڭ 14 717 جاڭا جاعدايى انىقتالدى، ونىڭ 5%-ى عانا ەلگە كەلگەندەردەن انىقتالعان.