2016 جىلدان باستاپ قول قويىلمايتىن.
بانكنوتتاردا جالعان اقشا ءۇشىن جاۋاپتىلىق كوزدەلگەنى تۋرالى جازبا بولادى، دەپ حابارلايدى Almaty-akshamy.kz
"ۇلتتىق ۆاليۋتا – قازاقستان تەڭگەسى بانكنوتتارى مەن مونەتالارى ديزاينىنىڭ تۇجىرىمداماسىن بەكىتۋ تۋرالى" جارلىققا وسىنداي وزگەرىس ەنگىزۋ ۇسىنىلىپ وتىر. ءتيىستى قۇجات "اشىق نقا" پورتالىندا جاريالاندى.
اتاپ ايتقاندا بانكنوتتاردىڭ ديزاينى قازاقستان رەسپۋبليكاسى ۇلتتىق بانكى ءتوراعاسىنىڭ قولى تۇرىندەگى جاڭا ەلەمەنتپەن تولىقتىرىلادى.
"مۇنداي جاڭاشىلدىق تۇتىنۋشى الدىندا شىعارىلعان بانكنوتتاردىڭ ءتۇپنۇسقالىعىنا كەپىلدىك بەرۋ فۋنكسياسىن كۇشەيتۋ ماقساتىندا ەنگىزىلىپ وتىر. بۇل پراكتيكا ءبىرقاتار ەلدە، اتاپ ايتقاندا، ەۋروپالىق وداقتا، سونداي-اق انگليادا، اقش پەن سينگاپۋردا قولدانىلادى"، - دەلىنگەن نەگىزدەمەدە.
جارلىق جوباسى 24 شىلدەگە دەيىن قوعام تالقىسىنا شىعارىلدى.