ول ءۇشىن «e-Salyq Business» ارنايى ءموبيلدى قوسىمشاسىنداعى نەگىزگى رەجيمدى تاڭداۋ كەرەك
كەز كەلگەن باسقا كاسىپكەرلىك قىزمەت تۇرلەرىن جۇزەگە اسىرۋ كەزىندەگىدەي تاكسي نەمەسە كۋرەرلىك جەتكىزۋ قىزمەتتەرىن كورسەتۋ كەزىندە دە جەكە كاسىپكەرلىكتى تىركەپ نەمەسە جالدامالى قىزمەتكەر رەتىندە راسىمدەلىپ، سالىقتار مەن الەۋمەتتىك تولەمدەردى تولەۋ مىندەتتەلگەن. بۇل تۋرالى مەملەكەتتىك كىرىستەر كوميتەتىندە تاعى دا ەسكە سالدى، دەپ حابارلايدى Almaty-akshamy.kz.
بۇل تالاپتار جاڭادان ەنگىزىلگەن جوق. ءبىراق بارلىق تاكسي جۇرگىزۋشىلەرى ولاردى ورىنداي بەرمەيدى، ويتكەنى ولاردىڭ پىكىرىنشە، جەكە كاسىپكەر رەتىندە تىركەلۋ ءبىرقاتار مىندەتتەمەلەردى تۋدىرادى (سالىقتاردى، الەۋمەتتىك تولەمدەردى ەسەپتەۋ جانە دەكلاراسيالاردى تاپسىرۋ).
سوندىقتان مەملەكەتتىك كىرىستەر كوميتەتى مىندەتتەمەلەردى ورىنداۋ ءۇشىن «e-Salyq Business» ارنايى ءموبيلدى قوسىمشاسى نەگىزىندەگى رەجيمدى تاڭداۋدى ۇسىنادى. وندا سالىق دەكلاراسياسىن تاپسىرۋدىڭ قاجەتتىلىگى جوق، تابىس سالىعىنىڭ 1 پايىزى مولشەرىندەگى مىندەتتەمەلەردى جانە الەۋمەتتىك تولەمدەردى (زەينەتاقى جارنالارى، الەۋمەتتىك اۋدارىمدار جانە مەديسينالىق ساقتاندىرۋ) قوسىمشانىڭ ءوزى ەسەپتەيدى، -دەپ جازدى Azattyq Ruhy.
وسىعان بايلانىستى، ينتەرنەت-پلاتفورمالاردى پايدالانا وتىرىپ قىزمەت كورسەتەتىن تۇلعالارعا سالىق مىندەتتەمەلەرىن ورىنداۋعا كومەكتەسۋ ءۇشىن مكك «e-Salyq Business» موبيلدىك قوسىمشاسىن پايدالانا وتىرىپ، سالىق رەجيمى نەگىزىندە پيلوتتىق جوبا ىسكە قوستى.
ونىڭ اياسىندا تىكەلەي ينتەرنەت-پلاتفورمادا جەكە كاسىپكەرلىكتى تىركەۋگە بولادى، ينتەرنەت-پلاتفورما وپەراتورى تابىستى تولەگەن كەزدە، تاكسيست (كۋرەر) تاراپىنان كەلىسىم بولعان جاعدايدا تيەسىلى سالىقتار مەن الەۋمەتتىك تولەمدەر ۇستاپ قالادى جانە تولەيدى. سودان كەيىن مالىمەتتەر اۆتوماتتى تۇردە مەملەكەتتىك كىرىستەر كوميتەتىنە بەرىلەدى. سونداي-اق كاسىپكەردىڭ ءوزى ءموبيلدى قوسىمشانىڭ ەسەپتەگەن سالىقتارى مەن الەۋمەتتىك تولەمدەرىن تولەيدى.
بۇل جەكە تۇلعانى سالىق ورگاندارىنا بارۋدان تولىعىمەن بوساتادى. سونداي-اق، سالىقتاردى ەسەپتەۋ مەن تولەۋدەگى قاتەلىكتەردى بولدىرمايدى جانە تاكسي جۇرگىزۋشىلەرىنە قارجىلىق جۇكتەمەنى ارتتىرماۋعا مۇمكىندىك بەرەدى. ويتكەنى تاكسي جۇرگىزۋشىسى دەلدالدارسىز پلاتفورمادان تىكەلەي تاپسىرىس الا الاتىنداي ەتىپ، بيزنەس-پروسەستەر رەتتەلەدى.
بۇگىنگى تاڭدا «ياندەكس.تاكسي» جانە ينتەرنەت-پلاتفورمالاردىڭ باسقا وپەراتورلارىمەن اقپاراتتىق جۇيەلەردى باپتاۋ جۇمىستارى جۇرگىزىلۋدە، بۇل جۇمىستار اياقتالعان سوڭ زاماتتار ەرىكتى نەگىزدە پيلوتتىق جوباعا قوسىلا الادى.