قۇجاتتى جاريا تالقىلاۋ 21 ساۋىرگە دەيىن جالعاسادى.
ۇلتتىق بانك مەملەكەت باسشىسىنىڭ جارلىق جوباسىن جاريا تالقىلاۋعا ۇسىندى، دەپ حابارلايدى Almaty-akshamy.kz
ۇلتتىق ۆاليۋتانىڭ اينالىسقا ەنگىزىلگەنىنە 30 جىل تولۋ قۇرمەتىنە ارنالعان مەرەكەلىك مەدال ازىرلەنەدى.
«تەڭگەگە 30 جىل» مەرەكەلىك مەدالى تاعايىندالسىن. قوسا بەرىلىپ وتىرعان «تەڭگەگە 30 جىل» مەرەكەلىك مەدالىمەن ناگرادتاۋ قاعيدالارى جانە مەرەكەلىك مەدالدىڭ سيپاتتاماسى بەكىتىلسىن»، دەلىنگەن قۇجاتتا.
مەرەكەلىك مەدالمەن ق ر ازاماتتارى مەن شەتەلدىكتەر ماراپاتتالاتىن بولادى.
جارلىقتى قابىلداۋ رەسپۋبليكالىق بيۋدجەتتەن قوسىمشا شىعىستاردى تالاپ ەتپەيدى. قۇجاتتان تۋىندايتىن شىعىستار ق ر ۇلتتىق بانكى بيۋدجەتىنىڭ قاراجاتى ەسەبىنەن جۇزەگە اسىرىلادى.
«تەڭگەگە 30 جىل» مەرەكەلىك مەدالىنىڭ سيپاتتاماسى:
مەرەكەلىك مەدال ىلگىشتەن جانە قاتقىل لەنتاسى بار تاعاننان تۇرادى؛
مەرەكەلىك مەدال ديامەترى 32 مم دۇرىس شەڭبەر نىسانىندا مەلحيوردان – نيكەلمەن مىس قوسپاسىنان جاسالعان؛
مەدالدىڭ بەت جاعىنىڭ (اۆەرسىنىڭ) ورتالىق بولىگىندە مەرەكەلىك كۇندى بىلدىرەتىن جانە ونىڭ تاريحي ماڭىزدىلىعىن ارتتىرا تۇسەتىن «30» سانىنىڭ ءىرى بەينەسى ورنالاسقان، ساننىڭ جوعارعى جاعىندا باس ارىپتەرمەن «تەڭگەگە» دەگەن جازۋ، سول جاقتا «جىل» دەگەن جازۋ بەينەلەنگەن؛
«30» سانىنىڭ بەينەسى قارقىندى دامىپ كەلە جاتقان جاھاندىق سيفرلىق الەمدە ديناميكالىق قوزعالىستى، بەلگىلەنگەن ۆەكتور مەن باعىتتى بەينەلەيتىن شىعىڭقى بەدەرلى سىزىقتار تۇرىندە مەرەكەلىك مەدالدىڭ بۇكىل بەتىندە بىرنەشە رەت قايتالانادى؛
مەرەكەلىك مەدالدىڭ سىرت جاعىندا (ريەۆەرسىندە) دايىنداۋشى – قازاقستان تەڭگە سارايىنىڭ لوگوتيپى بەينەلەنگەن؛
ىلگىش قۇلاقشا مەن ساقينا ارقىلى تاعانعا جالعانادى. بيىكتىگى 40 مم تىكبۇرىش نىسانىنداعى تاعان ەكى جاعىنان ەنى 25 مم تەسىكتەرى بار ەكى كولدەنەڭ ءتورتبۇرىشتى نىساندارمەن قوسىلعان؛
تاعان ەنى 20 مم جاسىل ءتۇستى قاتقىل لەنتامەن – تولقىن ءتارىزدى قۇبىلمالى تىعىز جىبەك ماتامەن تىستالعان. قاتقىل لەنتانىڭ سىرت جاعىندا مەرەكەلىك مەدال كيىمگە ۆيزورلى بەكىتكىشى بار تۇيرەۋىش ارقىلى بەكىتىلەتىن بەكىتپە بار.