الماتى قالاسىندا 240 نىسانداعى دەكلاراسيانى كىم جانە قاي ۋاقىتتا تاپسىراتىنى باياندالدى
بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسى بويىنشا مەملەكەتتىك كىرىستەر دەپارتامەنتى كەڭسە مونيتورينگى باسقارماسىنىڭ باس مامانى قايرات تۇرىمبەتوۆ بايانداپ بەردى، - دەپ حابارلايدى almaty-akshamy.kz
240-نىسانداعى دەكلاراسيانى تاپسىرۋ مەرزىمى كىرىستى العاننان كەيىنگى جىلدان كەشىكتىرىلمەۋى قاجەت.
«ەگەر كىرىس 2023 جىلى الىنعان بولسا، وندا دەكلاراسيا 2024 جىلدىڭ 31 ناۋرىزىنان كەشىكتىرىلمەي تاپسىرىلادى»، - دەپ ءتۇسىندىردى سپيكەر.
دەكلاراسيانى تاپسىرۋ مەرزىمدەرىن بۇزۋعا كەلەتىن بولساق، ءبىرىنشى رەت ەسكەرتۋ بەرىلەدى، قايتالاپ بۇزۋ 15 اەك مولشەرىندە ايىپپۇل سالۋعا اكەپ سوقتىرادى.
دەپارتامەنتتىڭ مالىمەتىنشە، ازاماتتاردىڭ كەلەسى ساناتتارى جەكە تابىس سالىعى بويىنشا دەكلاراسيا تاپسىرادى:
- جەكە كاسىپكەرلەر؛
- جەكە پراكتيكامەن اينالىساتىن تۇلعالار؛
- مۇلىكتىك كىرىس العان جەكە تۇلعالار؛
- قازاقستان رەسپۋبليكاسىنان تىسقارى جەرلەردەگى كوزدەردەن تابىس العان جەكە تۇلعالار جانە ت.ب.
جىلدىق تابىسقا جەكە تۇلعانىڭ بارلىق كىرىس تۇرلەرى كىرەدى. مىسالعا، بۇل قاتارعا تاۋاردى ساتۋدان، جۇمىستى ورىنداۋدان، وتەۋسىز الىنعان مۇلىكتەن، ديۆيدەندتەر تۇرىندەگى تابىستار، سىياقىلار، ۇتىستار، ستيپەنديالار، مۇلىكتىك كىرىستەر جانە ت.ب. جاتادى.