وتكەن جىلى، ءۇش جىلدىق السىرەۋدەن كەيىن تەڭگە باعامى شامالى نىعايدى.
2023 جىلى تەڭگەنىڭ دوللارعا شاققانداعى باعامى ءۇش جىلدىق كەرى ۇردىستەن كەيىن 1،9%-عا نىعايدى. اتاپ ايتقاندا، 2022 جىلى ۇلتتىق ۆاليۋتا باعامى 7،1%-عا تومەندەدى. قازىرگى باعام 1 دوللارعا – 453،69 تەڭگە، دەپ حابارلايدى اlmaty-akshamy.kz قازاقستان قارجىگەرلەر قاۋىمداستىعىنا سىلتەمە جاساپ.
"تەڭگە جىلدى ۇلتتىق قوردان شەتەل ۆاليۋتاسىن ساتۋدىڭ ۇلعايۋى، قاتاڭ اقشا-نەسيە ساياساتى، ينفلياسيانىڭ تۇراقتى باياۋلاۋى جانە دوللار يندەكسىنىڭ جاھاندىق السىرەۋى اياسىندا ءسال نىعايۋمەن اياقتايدى"، – دەپ اتاپ ءوتتى ساراپشىلار.
دەگەنمەن، 2024 جىلى قارجى نارىعىنىڭ ساراپشىلارى ۇلتتىق ۆاليۋتا ءبىر دوللارعا 489،6 تەڭگەگە دەيىن السىرەيتىنىن بولجاپ وتىر.
"تەڭگەگە قىسىم شيكىزات نارىعىنداعى سۇرانىستىڭ تومەندەۋىنەن، قازاقستانداعى مونەتارلىق جاعدايدى ودان ءارى قالىپقا كەلتىرۋمەن اقش-تاعى جوعارى مولشەرلەمە ساياساتىنىڭ جالعاسۋىنان، يمپورتتىڭ ودان ءارى وسۋىنەن، سونىڭ ىشىندە ينفراقۇرىلىمدى ىسكە اسىرۋ ەسەبىنەن: جوبالار، ايماقتاعى كۇردەلى گەوساياسي جاعداي جانە ينۆەستورلاردىڭ تاۋەكەلدەن جالپى قاشۋىنان بولۋى مۇمكىن" – دەپ جازىلعان حابارلامادا.
ايتپاقشى، Brent ماركالى مۇناي باعاسى بيىل 10%-عا تومەندەپ، باررەلىنە 77 دوللاردى قۇرادى. وعان وپەك+ ۇيىمىنا كىرمەيتىن ەلدەردەگى ءوندىرىستىڭ رەكوردتىق ارتۋى جانە قىتايداعى تومەن ەكونوميكالىق ءوسۋ سەبەپ بولدى. بۇل رەتتە وپەك+ ۇسىنىسىن قىسقارتۋ شارالارى «قارا التىن» باعاسىنىڭ تومەندەۋىن تەجەپ وتىر.