قالا اكىمدىگى مۇز قالاشىعىنا قاتىستى تەرىس مالىمەت بەرگەن
جاڭا جىل قارساڭىندا، قوعام تاراپىنان شۋ تۋدىرعان پاۆلودارداعى مۇز قالاشىعىنىڭ قۇنى اكىمدىك وكىلدەرى مالىمدەگەندەي 52 ملن تەڭگە ەمەس، 60 ملن تەڭگە بولىپ شىقتى، دەپ حابارلايدى اlmaty-akshamy.kz.
- قالالىق تۇكش ءبولىمى تىلشىمىزگە نىساندى قابىلداپ الىپ، 52 ملن تەڭگە مەردىگەردىڭ ەسەپ شوتىنا اۋدارىلعانى جايلى رەسمي مالىمەت بەرگەن بولاتىن. ال وعان دەيىن قالا اكىمىنىڭ ورىنباسارى 53 ملن تەڭگەگە مۇز قالاشىعى سالىنىپ جاتىر،-دەپ جاريالادى.
ءبىراق بۇگىن بۇل اقپاراتتىڭ شىندىققا جاناسپايتىنى انىقتالدى. سىبايلاس جەمقورلىققا قاتىستى جەكە زەرتتەۋ جۇرگىزىپ جۇرگەن رەسپۋبليكالىق قوعامدىق بىرلەستىگىنىڭ ايماقتاعى وكىلدىگى كونكۋرستىق تالاپتاردان باستاپ، جوبالىق-سمەتالىق قۇجاتتارىنا دەيىن تەكسەرىپتى.
- كەلىسىمشارت بويىنشا 20-شى جەلتوقساندا بۇل مۇز قالاشىعى سالىنىپ ءبىتىپ قابىلدانۋى كەرەك بولاتىن. ءبىراق بۇگىنگى كۇنى مىنە 28 جەلتوقسان بۇل قالاشىق بىتكەن جوق. پورتالدا جۇمىستىڭ اياقتالعانى تۋرالى اكتى، نە اقشا اۋدارىلعانى تۋرالى ەشقانداي مالىمەت جوق. ياعني جۇمىس قابىلدانباعان. ايتىپ وتىر 52، 53 ملن دەپ، ءبىراق ءبىزدىڭ كورگەنىمىز ندس قوسقاندا 59 ملن 999 مىڭ 999 تەڭگە، بىلايشا ايتقاندا 60 ملن اقشا ءبولىنىپ وتىر، - دەيدى "ادىلدىك جولى" رقب پاۆلودار وبلىستىق فيليالىنىڭ باسشىسى نۇرگۇل قايىردەنوۆا.
- بۇل مالىمەتتەرگە قوسا كونكۋرستى وتكىزۋ كەزىندە جول بەرىلگەن ءبىرقاتار زاڭبۇزۋشىلىق دەرەكتەرى حاتقا ءتۇسىرىلىپ، بۇگىن سىبايلاس جەمقورلىققا-قارسى ءىس-قيمىل دەپارتامەنتىنە تاپسىرىلعان. ءقازىر قالاشىقتا بىرەن-ساران جۇمىسكەرلەر بار. ولار ەرىپ كەتكەن مۇسىندەردىڭ ورنىنا پلاسماستان جاسالعان جاساندى فيگۋرالاردى ورناتىپ جاتىر. ءبىراق وسىنداعى بىردە-بىر نىسان پايدالانۋعا جارامسىز. سىرعاناقتاردا مۇز جوق، تاقتايى شىعىپ كەتكەن. قاڭتار بويى وڭىردە كۇن رايى جىلى بولادى. ءبىز باسقا دا قوعامدىق ۇيىمدارمەن بىرىگىپ، بيۋدجەت قاراجاتىن كەرى قايتارۋعا كۇش سالامىز، - دەيدى "ادىلدىك جولى" بىرلەستىگىنىڭ ايماقتاعى وكىلى.