الماتىلىق توتەنشە جاعداي قىزمەتكەرى ورتتەن بالانى قۇتقاردى

الماتى قالاسىندا توتەنشە جاعدايلار مينيسترلىگى رەسپۋبليكالىق جەدەل-قۇتقارۋ جاساعىنىڭ قىزمەتكەرى بوس ۋاقىتىندا بالانى ورتتەن امان الىپ قالدى.

 2023 جىلدىڭ 28 جەلتوقسانىندا روسو تجك قۇتقارۋ جاساعىنىڭ قۇتقارۋشىسى ۇلان مۇحامادييەۆ تاۋلىكتىك كەزەكشىلىكتەن شىعىپ ۇيىنە ورالعاندا شاڭىراق-2 ىقشاماۋدانداعى كورشى ءۇي ورتەنىپ جاتتى، دەپ حابارلايدى اlmaty-akshamy.kz.

العاشىندا ۇيدە ەشكىم بولما جوق دەگەن اقپارات الادى. الايدا، كورشىنىڭ بالاسى جۇگىرىپ كەلىپ، ۇيدە دوسى بار ەكەنىن ايتقان. ءورت سوندىرۋشىلەر كەلگەنشە، ۇلان مەن ونىڭ كورشىسى لوممەن اعاش قابىرعانى  بۇزىپ، بالانى امان الىپ قالعان. توتەنشە قىزمەتكەرى ۇلان بالاعا ەدەنگە جات دەپ ايقايلاعان. سودان سوڭ ارەكەتكە كوشىپ، قابىرعانى بۇزادى. وسىلايشا 2010 جىلى تۋعان بالا امان قالدى. بالا جەدەل مەديسينالىق جاردەم قىزمەتىنە تاپسىرىلدى.

 قازىرگى ۋاقىتتا ونىڭ دەنساۋلىعىنا ءقاۋىپ ءتونىپ تۇرعان جوق.

مۇحامادييەۆ ۇلان روسو-دا ءۇش جىلعا جۋىق قۇتقارۋشى بولىپ جۇمىس ىستەيدى، ول ءوزىن ەرجۇرەك قۇتقارۋشى رەتىندە كورسەتە ءبىلدى، سۋ قويمالارىندا جانە تاۋلى ايماقتاردا ءارتۇرلى توتەنشە جاعدايلاردىڭ زارداپتارىن جويۋعا بىرنەشە رەت قاتىستى. ۇيلەنگەن، ءتورت بالاسى بار.