ساراپشىلار تىعىرىقتان شىعۋ جولدارىن ايتتى.
«قازاقستاننىڭ ينتەرنەت قاۋىمداستىعى» زتب پرەزيدەنتى شاۆكات سابىروۆ سوڭعى ۋاقىتتا جيىلەپ كەتكەن كيبەرشاۋىلعا قاتىستى پىكىر ءبىلدىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«سوڭعى ۋاقىتتا قازاقستاندىق ينفراقۇرىلىمعا وسىنداي جاپپاي شابۋىلدار بولىپ جاتىر. ادەتتە، مۇنداي جاعدايدا 100 پايىز قورعانىس بولمايدى. وسىنداي كەزدە ءاردايىم شىعىنداردى ازايتۋعا تىرىسادى، ينتەرنەتتەگى ارنالاردا ينفراقۇرىلىمعا جۇكتەمەنى ازايتۋعا بولاتىن نۇسقالاردى ىزدەيدى. وتكەن اپتادا بارىندە دەرلىك قاتتى ىركىلىس بولدى. سونىمەن قاتار، قازاقستان ەكونوميكاسىنىڭ كوپتەگەن سالاسى دەرەكتەر بەرەتىن ينتەرنەت-ارنالارمەن بايلانىستى. مىسالى، اۋرۋحانالار ينتەرنەتتى دەرەكتەردى، سۋرەتتەردى، بەينەلەردى، مەديسينالىق اقپاراتتى بەرۋ ءۇشىن پايدالانادى. اۋە رەيستەرى دە كەشىكتى. سەبەبى اۋە كومپانيالارى ينتەرنەتتى تەلەمەتريا ءۇشىن، ياعني اۋە رەيستەرىن قامتاماسىز ەتۋگە قاجەتتى دەرەكتەردى بەرۋ ءۇشىن پايدالانادى. بىزدە بۇكىل ەل، بۇكىل ەكونوميكا ينتەرنەت ينفراقۇرىلىمىندا دەرەكتەردى بەرۋ ارنالارىندا وتىر»، - دەدى ول قازاقپارات تىلشىسىنە بەرگەن سۇحباتىندا.
شاۆكات سابىروۆتىڭ اتاپ وتۋىنشە، مۇنداي تىعىرىقتان شىعۋدىڭ ءبىر جولى - دەرەكتەردى بەرۋ ارنالارىن ءارتاراپتاندىرۋ، ءبولۋ.
«اۆياسيانىڭ، بانكتەردىڭ ەرەكشە قاجەتتىلىكتەرى ءۇشىن دەرەكتەردى بەرۋ ءۇشىن ءوز ارنالارى قاجەت دەلىك. 90-جىلداردىڭ باسىندا ءارقايسىسىنىڭ دەربەس تەلەكوممۋنيكاسيا جەلىسى بولدى. ال ءقازىر ءبارىمىز ءبىر ينفراقۇرىلىمدا - ينتەرنەت ينفراقۇرىلىمىندا وتىرمىز. سوندىقتان بۇل ينفراقۇرىلىمعا كەز كەلگەن اسەر ينتەرنەتتى پايدالانۋشىلارعا عانا ەمەس، سونىمەن قاتار اۋرۋحانالاردان باستاپ، ەنەرگەتيكا مەن ونەركاسىپكە دەيىنگى قازاقستان ەكونوميكاسىنىڭ بارلىق سالاسىنا دا اسەر ەتەدى»، - دەدى شاۆكات سابىروۆ.