تەمىرجول ستانسياسىندا ماس ايەل پويىز استىنا تۇسە جازدادى. ماشينيست بىرنەشە توننا تارتاتىن پويىز قۇرامىن دەر كەزىندە توقتاتتى، - دەپ حابارلايدى اqshamnews.kz ءتىلشىسى.
وقيعا تۇنگى ساعات 10 شاماسىندا بولعان.
"قازاقستان تەمىر جولى" ۇك" اق مالىمەتىنشە، 23 شىلدەدە ساعات 21:41-دە توبىل – قوستاناي ۋچاسكەسىندە استانا – ورال باعىتى بويىنشا كەلە جاتقان "تالگو" جولاۋشىلار پويىزىنىڭ ءماشينيستى رەلستەن ايەل ادامدى بايقاپ قالىپ، شۇعىل تۇردە تەجەۋ قولدانعان. الدىن الا مالىمەت بويىنشا، ايەل ادام ماس كۇيىندە بولعان.
"ءماشينيستىڭ جەدەل ءارى كاسىبي ارەكەتىنىڭ ارقاسىندا قايعىلى وقيعا بولمادى. ايەل زارداپ شەككەن جوق جانە ول جەلىلىك پوليسيا ءبولىمىنىڭ قىزمەتكەرلەرىنە تاپسىرىلدى"، — دەپ مالىمدەدى "قازاقستان تەمىر جولى" باسپا ءسوز قىزمەتى.
وقيعا سالدارىنان پويىزدىڭ ءجۇرۋى 12 مينۋتقا كەشىككەن.
قتج وكىلدەرى بەلگىلەنبەگەن جەردە تەمىرجولدى كەسىپ ءوتۋ، اسىرەسە ماس كۇيدە، وتە ءقاۋىپتى ەكەنىن جانە اۋىر سالدارعا اكەلۋى مۇمكىن ەكەنىن ەسكەرتتى.
ايتا كەتەيىك، بۇعان دەيىن الماتى-2 ستانسياسىندا 15 جاستاعى ءجاسوسپىرىم ۆاگوننىڭ توبەسىنە شىعىپ، توق سوعىپ، قاتتى كۇيىك العان بولاتىن.