اباي قۇنانباي ۇلىنىڭ 180 جىلدىعىنا وراي الماتىدا جالپىقالالىق ەكولوگيالىق اكسيا وتەدى، - دەپ حابارلايدى اqshamnews.kz ءتىلشىسى.
2025 جىلى ۇلى قازاق اقىنى، اعارتۋشى، ويشىل اباي قۇنانباي ۇلىنىڭ تۋعانىنا 180 جىل تولادى. وسى اتاۋلى داتاعا وراي الماتى قالاسىندا رەسپۋبليكالىق «تازا قازاقستان» باعدارلاماسى اياسىندا كەڭ كولەمدى ەكولوگيالىق اكسيا ۇيىمداستىرىلادى.
الماتىنىڭ بەس اۋدانىن — المالى، بوستاندىق، اۋەزوۆ، مەدەۋ جانە ناۋرىزباي اۋداندارىن قيىپ وتەتىن، ۇزىندىعى 15 شاقىرىمدى قۇرايتىن اباي داڭعىلى بويىندا اباتتاندىرۋ جانە سانيتارلىق تازالاۋ جۇمىستارى جۇرگىزىلۋدە.
26 شىلدە كۇنى ساعات 9.00-دە اباي الاڭىندا اۋقىمدى سەنبىلىك پەن تانىمال تۇلعالاردىڭ قاتىسۋىمەن شاعىن كونسەرت وتەدى.
اباي داڭعىلى بويىنداعى سەنبىلىككە پيك (پاتەر يەلەرى كووپەراتيۆى)، ميب (مۇلىك يەلەرىنىڭ بىرلەستىگى)، قس (قاراپايىم سەرىكتەستىك)، سونداي-اق كاسىپكەرلىك نىساندارىنىڭ وكىلدەرى مەن بەلسەندى قالا تۇرعىندارى جۇمىلدىرىلادى. ىرگەلەس اۋماقتاردى كەشەندى تازالاۋ جوسپارلانعان.
بۇل ەكواكسيا — قالامىزعا دەگەن سۇيىسپەنشىلىگىمىزدىڭ، ىشكى مادەنيەتىمىزدىڭ جانە ۇلى ويشىلعا دەگەن قۇرمەتىمىزدىڭ ايقىن كورىنىسى بولماق. اباي قۇنانباي ۇلى ءوزىنىڭ ولەڭدەرى ارقىلى ادامنىڭ تابيعاتپەن تىعىز بايلانىسىن جەتكىزگەن. ونىڭ شىعارماشىلىعىندا تابيعات ەرەكشە ورىن الادى جانە ول تابيعاتقا دەگەن ءىلتيپاتتى كوزقاراسىن ايقىن كورسەتە بىلگەن.