باسەكەلەستىكتى قورعاۋ سالاسىنداعى زاڭنامانى بۇزۋ فاكتىسىن تىركەلدى
اتىراۋ وبلىسىندا "ءرتي-اموز" جشس-عا ايىپپۇل سالىندى. وعان مونوپوليالىق ەرەجەنى تەرىس پايدالاندى جانە نەگىزسىز جوعارى باعا بەلگىلەدى دەگەن ايىپ تاعىلدى، دەپ حابارلايدى Almaty-akshamy.kz.
باسەكەلەستىكتى قورعاۋ جانە دامىتۋ اگەنتتىگىنىڭ اتىراۋ وبلىسى بويىنشا دەپارتامەنتى اتىراۋ كولىك پروكۋراتۋراسىمەن بىرلەسىپ جۇرگىزگەن تەكسەرۋ بارىسىندا "ءرتي-اموز" ج ش س ىس-ارەكەتتەرىنەن باسەكەلەستىكتى قورعاۋ سالاسىنداعى زاڭنامانى بۇزۋ فاكتىسىن تىركەدى. اتاپ ايتقاندا، مونوپوليالىق جوعارى باعالاردى بەلگىلەۋ جانە مونوپوليالىق ەرەجەنى تەرىس پايدالانۋ سيپاتىندا زاڭبۇزۋشىلىقتار ورىن العان.
"اتىراۋ كولىك پروكۋراتۋراسىنىڭ ۇسىنىسى نەگىزىندە دەپارتامەنت "ءرتي-اموز" جشس-نە قاتىستى اكىمشىلىك قۇقىق بۇزۋشىلىق تۋرالى ءىس قوزعادى"، - دەلىنگەن بقدا حابارلاماسىندا.
ءىستى قاراۋ قورىتىندىسى بويىنشا اتىراۋ قالاسىنىڭ اكىمشىلىك قۇقىق بۇزۋشىلىق جونىندەگى مامانداندىرىلعان سوتىنىڭ قاۋلىسىمەن "ءرتي-اموز" ج ش س جالپى سوماسى 485 ملن تەڭگەگە اكىمشىلىك جازا قولدانىلىپ، اكىمشىلىك جاۋاپكەرشىلىككە تارتىلدى، ول مەملەكەت پايداسىنا تولىق كولەمدە تولەندى.