تەمىرجول بيلەتتەرى ارزاندايدى

باس كولىك پروكۋراتۋراسى جوسپارلى تالداۋ شەڭبەرىندە كولىك سالاسىنداعى ۋاكىلەتتى ورگاننىڭ «الەۋمەتتىك ماڭىزى بار قاتىناستار بويىنشا جولاۋشىلاردى تاسىمالداۋ جونىندەگى قىزمەتتەرگە باعالاردىڭ (تاريفتەردىڭ) شەكتى دەڭگەيلەرىن ايقىنداۋ ادىستەمەسىن بەكىتۋ تۋرالى» بۇيرىعىن زەردەلەگەن، دەپ حابارلايدى Almaty-akshamy.kz.

ادىستەمەگە ديناميكالىق باعا بەلگىلەۋ ءپرينسيپى بويىنشا جول ءجۇرۋ قۇنىن انىقتاۋ فورمۋلاسى زاڭسىز ەنگىزىلگەنى انىقتالدى، بۇل ءىس جۇزىندە جول ءجۇرۋ قۇجات باعاسىنىڭ قىمباتتاۋىنا مۇمكىندىك بەرگەن.

«وسى نورماتيۆتىك اكتىگە 21 اقپاندا باس كولىك پروكۋراتۋراسىمەن يندۋستريا جانە ينفراقۇرىلىمدىق دامۋ مينيسترلىگىنە نارازىلىق كەلتىرىلدى، ول تولىق كولەمدە قاناعاتتاندىرىلدى. 
بۇگىنگى تاڭدا تەمىرجول بيلەتتەرىن ساتۋ كەزىندە ديناميكالىق باعا بەلگىلەۋدى قولدانۋ توقتاتىلدى، وسى نورمانى الىپ تاستاۋ تۋرالى بۇيرىقتىڭ جوباسى ۋاكىلەتتى ورگاندارمەن كەلىسىلۋ ساتىسىندا. پروكۋراتۋرا باستاماشىلىعىمەن ەنگىزىلگەن تۇزەتۋلەر جولاۋشىلارعا پويىزداردا ءجۇرۋ قۇنىن ەداۋىر تومەندەتۋگە جانە بيلەتتەردىڭ شەكتى باعاسىن بەلگىلەۋگە مۇمكىندىك بەرەدى»، – دەلىنگەن ۆەدومستۆو حابارلاماسىندا.