ەلەكتر ساموكاتپەن جۇرۋگە قاتىستى بۇگىن ماجىلىستە زاڭ اياسىندا ءبىرقاتار وزگەرىستەر قابىلداندى.
ەندى ەلەكتر ساموكاتپەن جۇك پەن جولاۋشى تاسىمالداۋعا تىيىم سالىنادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ەلەكتر ساموكاتتا جۇكتەر مەن جولاۋشىلاردى تاسىمالداۋعا تىيىم سالىنادى. ەلەكتر ساموكات جۇرگىزۋشىلەر جول قيىلىستارى مەن جاياۋ جۇرگىنشىلەر وتكەلدەرىنەن جاياۋ ءوتۋى كەرەك»، - دەدى ءماجىلىس دەپۋتاتى ەكاتەرينا سمىشليايەۆا.
ونىڭ ايتۋىنشا، كولىكتىڭ وسى ءتۇرىن دامىتۋداعى پروبلەمالاردىڭ ءبىرى – ارنايى بولىنگەن جولدار مەن جولاقتار تۇرىندەگى قالالىق ينفراقۇرىلىمنىڭ بولماۋى.
«جەكەمەنشىك ەلەكتر ساموكاتتاردىڭ كوبەيۋىن، قازاقستان نارىعىندا كيكشەرينگ سەرۆيسىنىڭ پايدا بولۋىن ەسكەرسەك، وسىنداي كولىككە بەيىمدەلمەگەن، بۇرىننان بار ينفراقۇرىلىمعا تۇسەتىن جۇكتەمە جاقىن ارادا ارتادى. سوندىقتان جەدەل تۇردە نەگىزگى ەرەجەلەردى ەنگىزۋ قاجەت»، - دەدى دەپۋتات.
بۇدان بۇرىن حابارلانعانداي، بۇگىن ءماجىلىستىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول ءجۇرىسىن ۇيىمداستىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى قابىلداندى. قۇجات اياسىندا ەلەكتر ساموكاتتارمەنجولدا ءجۇرۋ ءتارتىبى رەتتەلەدى.
«ەلەكتر ساموكاتتىڭ جولدىڭ ءجۇرۋ بولىگىنىڭ وڭ جاق شەتىمەن، ونىڭ ىشىندە اۆتوبۋس جولاعىمەن ءبىر قاتاردا جۇرۋىنە جول بەرىلەدى. الايدا، بۇل ءۇشىن جۇرگىزۋشى 18 جاسقا تولۋى جانە شلەم كيۋى كەرەك. سونداي-اق ونىڭ ۇستىندە جارىق شاعىلىستىراتىن كيىم مەن كەز كەلگەن ساناتتاعى جۇرگىزۋشى كۋالىگى بولۋى قاجەت»، - دەدى ەكاتەرينا.