الماتى پوليسياسى ارنايى ءىس-شارانى دوستىق داڭعىلى مەن وسپانوۆ كوشەسىنىڭ قيىلىسىندا جۇرگىزدى، دەپ حابارلايدى Almaty-akshamy.kz.
بۇرىن مۇلىكتىك قىلمىس ءۇشىن سوتتالعان 44 جاستاعى ا.ەسىمدى ازاماتتى رۇقسات ەتىلگەن جەكە ءتىنتۋ بارىسىندا، وزىنە ءتان ءيىسى بار وسىمدىك تەكتەس زات سالىنعان پوليەتيلەن بايلامى تاركىلەندى.
"جالپى، ارنايى ءىس-شارا قارۋ ۇرلاۋ دەرەگى بويىنشا ق ر قك-نىڭ 291-بابى 3-بولىگىنە سايكەس قوزعالعان قىلمىستىق ءىستى تەرگەۋ اياسىندا جۇرگىزىلدى. كەيىن كۇدىكتىنىڭ تۇرعىلىقتى جەرىندە رۇقسات ەتىلگەن ءتىنتۋ كەزىندە سارايدان اك-74 اۆتوماتى مەن توز-17 شاعىن كاليبرلى مىلتىعى تابىلدى. بۇل قارۋدىڭ ناقتى كىمدىگى ەكەندىگى مەن شىعۋ تەگىن ارنايى ساراپتاما انىقتايدى. سونىمەن قاتار ا.ەسىمدى ازاماتقا ەسىرتكى ساتقان 1970 جىلى تۋعان م.ەسىمدى ازاماتتا سول ۋاقىتتا ۇستالدى. ول دا تەكسەرىلدى. ناتيجەسىندە بەلگىلى ءبىر ءيىستى، وسىمدىك تەكتەس زاتى بار پوليەتيلەن بايلامى جانە كۇنى، ءاتى-جونى، اقشا سوماسى جازىلعان جازبالار تاركىلەندى، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ."
سونداي-اق پوليسەيلەر ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريا ەتۋگە جاتپايتىنىن حابارلايدى.
ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىقبۇزۋشىلىق جاساۋدا كىناسىز دەپ تانىلادى.