قازاقستان ۇلتتىق بانكى 2023 جىلعى 24 شىلدەدە «ەستە قالاتىن وقيعالار مەن ءبىرتۋار ادامدار» سەرياسىنان TEMIRBEK JÚRGENOV.125 JYL كوللەكسيالىق مونەتالارىن اينالىمعا شىعاردى، - دەپ حابارلايدى Almaty-akshamy.kz.
مونەتالار 2023 جىلعى 26 شىلدەدەن باستاپ قۇب-تىڭ ينتەرنەت-دۇكەنى ارقىلى ساتىلادى.
مونەتا قازاقستاننىڭ مادەنيەت جانە ونەر قايراتكەرى تەمىربەك جۇرگەنوۆتىڭ 125 جىلدىعىنا وراي شىعارىلدى. تەمىربەك جۇرگەنوۆ - قازاقستاننىڭ تۇڭعىش اعارتۋ ءمينيسترى. ول 1934 جىلى قازاقستاندا بۇكىل ورتالىق ازيا مەن قازاقستاننىڭ التى ءىرى جوعارى وقۋ ورنىنىڭ قۇرىلىسىنىڭ باستالۋىنا سەبەپكەر بولدى.
TEMIRBEK JÚRGENOV.125 JYL مونەتاسى من 25 مەلحيور قوسپاسىنان دايىندالعان. ماسساسى - 15 گرامم، ديامەترى - 33 ميلليمەتر، دايىنداۋ ساپاسى brilliant uncirculated، نومينالى 100 تەڭگەلىك، تارالىمى - 10 مىڭ دانا.
كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا ءوزىنىڭ بەلگىلەنگەن قۇنىنا ساي تولەمنىڭ بارلىق ءتۇرى بويىنشا قابىلدانادى، سونداي-اق، ونى ەلدىڭ بارلىق بانكىندە بانك شوتتارىنا ەسەپكە الىنۋعا جانە اۋدارۋعا، ۇساقتاۋعا جانە ايىرباستاۋعا بولادى.
كوللەكسيالىق مونەتالار قازاقستان تەڭگە سارايىندا دايىندالدى.