جىل سايىن الماتى حالقى 70 مىڭ ادامعا وسەدى، بۇل الەۋمەتتىك سالاداعى ساپالى قىزمەتتەرگە سۇرانىستى كۇشەيتەدى. جاڭا وقۋ جىلىندا مەملەكەتتىك جانە جەكەمەنشىك مەكتەپتەرگە 34 300-دەن استام بالا قابىلداندى. ناتيجەسىندە قالاداعى ءبىرىنشى سىنىپتارعا بالالاردىڭ تازا اعىنى 12 مىڭ وقۋشىنى قۇرادى. مۇنداي مالىمەتتەردى مەگاپوليس اكىمى ەربولات دوسايەۆ ءبىلىم بەرۋ قىزمەتكەرلەرىنىڭ تامىز كەڭەسىندە ايتتى، دەپ حابارلايدى Almaty-akshamy.kz.
"مەكتەپ تاپشىلىعى پروبلەماسىن تۇبەگەيلى شەشۋ "جايلى مەكتەپ" ۇلتتىق جوباسىن ءتيىمدى ىسكە اسىرۋ بولىپ تابىلادى، ونىڭ اياسىندا 2025 جىلعا دەيىن الماتى قالاسىندا 37،1 مىڭ ورىندىق 22 مەكتەپ ىسكە قوسىلادى. ينفراقۇرىلىم سالۋ جانە جەر ۋچاسكەلەرىن كەڭەيتۋ ءۇشىن جەرگىلىكتى بيۋدجەتتە 19 ملرد تەڭگە قاراستىرىلعان"، - دەپ اتاپ ءوتتى الماتى اكىمى.
بۇعان دەيىن الماتى اكىمدىگىنىڭ جوبالىق كەڭسەسى حابارلاعانداي، جاڭا فورماتتاعى مەكتەپتەردىڭ باسىم بولىگى الاتاۋ جانە ناۋرىزباي اۋداندارىندا سالىنادى -5 وقۋ ورنى. بوستاندىق اۋدانىندا – 4 مەكتەپ، تۇركسىب اۋدانىندا – 3، اۋەزوۆ اۋدانىندا – 2 مەكتەپ، قالعان اۋدانداردا- ءبىر مەكتەپتەن سالۋ جوسپارلانۋدا. مەكتەپتەر ءبىلىم ۇيالارىنىڭ تاپشىلىعى بايقالاتىن جەرلەردە سالىنۋدا.