الماتىنىڭ جاڭا جەكەمەنشىك بالاباقشالارىندا مەملەكەتتىك تاپسىرىس بويىنشا 5،3 مىڭنان استام ورىن پايدا بولادى
الماتىدا مەملەكەت باسشىسى بەرگەن تاپسىرما اياسىندا بالاباقشالارداعى كەزەك، سونداي-اق جالپى ءبىلىم بەرەتىن مەكتەپتەردەگى ورىن تاپشىلىعى ازايدى، دەپ حابارلايدى Almaty-akshamy.kz
ەربولات دوسايەۆ بۇل ماسەلەنى شەشۋ ءۇشىن جەكە بيزنەس بەلسەندى تارتىلاتىنىن اتاپ ءوتتى.
"اعىمداعى جىلى الماتىدا 76 جاڭا جەكەمەنشىك مەكتەپكە دەيىنگى ءبىلىم بەرۋ ورتالىقتارىندا 5 330 ورىنعا تاپسىرىس بەرىلگەن. سونداي - اق، ءبىز ءىرى قۇرىلىس سالۋشىلارمەن الەۋمەتتىك ارىپتەستىك تەتىگىن دامىتۋدامىز. ونىڭ اياسىندا 2025 جىلعا دەيىن 2100 ورىندىق 11 تولىققاندى بالاباقشا اشۋدى جوسپارلاپ وتىرمىز"، - دەدى الماتى اكىمى.
ونىڭ ايتۋىنشا، مەكتەپتەردەگى وقۋشى ورىندارىنىڭ تاپشىلىعى جاڭا وقۋ ورىندارىن سالۋ ارقىلى دا شەشىلەدى. ال جاڭا وقۋ جىلىنىڭ باسىندا ول 36% - عا قىسقاردى.