مەملەكەت جانە قوعام قايراتكەرىنىڭ 125 جىلدىق مەرەيتويىنا وراي تۇركياداعى ەلشىلىگىمىز كىتاپ باسىپ شىعاردى.
تەمىربەك جۇرگەنوۆ اتىمەن جارىق كورگەن تۋىندىعا الماس الماتوۆ، بەكارىستان مىرزاباي جانە باۋىرجان يمانعالييەۆ سياقتى قازاقستاننىڭ بەلگىلى قايراتكەرلەرىنىڭ ەڭبەكتەرى ەنگەن، دەپ حابارلايدى Almaty-akshamy.kz.
كىتاپتى قۇراستىرۋشى – جۇرگەنوۆ قورىنىڭ باسشىسى ءسابي اڭساتوۆ. تۇركسوي ۇيىمىنا مۇشە مەملەكەتتەردىڭ مادەنيەت مينيسترلەرىنىڭ شەشىمىمەن 2023 جىل تۇركى الەمىندە تەمىربەك جۇرگەنوۆ جىلى دەپ جاريالانعان بولاتىن.
«2023 جىل تۇركى ەلدەرى ءۇشىن جۇرگەنوۆ جىلى دەپ جاريالاندى. جۇرگەنوۆتىڭ ورتالىق ازيا ەلدەرى ءۇشىن اتقارعان قىزمەتتەرى ساي تۇركى الەمىن بىرىكتىرەتىن جاقسى شارا بولايىن دەپ تۇر. بۇگىنگى كىتاپتىڭ تۇساۋ كەسەرىنە كەلەتىن بولساق، تولىق مەنىڭ شىعارعان كىتابىم ەمەس. بىرەۋدىڭ ەڭبەگىن ءسىڭىرىپ كەتكىم كەلمەيدى. ىشىندە ونىڭ ءتورت ۇلكەن ماقالسىن جازدىم»، - دەيدى تەمىربەك جۇرگەنوۆ قورىنىڭ باسشىسى ءسابي اڭساتوۆ.