بۇل تۋرالى ءىىم ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ ورىنباسارى باقىتجان ءامىرحانوۆ ءمالىم ەتتى، دەپ حابارلايدى Almaty-akshamy.kz.
«قازاقستاندا 35 مىڭنان استام ادام تۇرمەدە وتىر. ولاردىڭ شامامەن 10 پايىزى، ياعني 3 مىڭنان استامى ەسىرتكى قىلمىسىن جاساعانى ءۇشىن باس بوستاندىعىنان ايىرۋ ورنىنا قامالعان. ال ولاردىڭ ىشىندە 1 مىڭنان استامى ەسىرتكىگە تاۋەلدى. ال 2 مىڭى ەسىرتكىگە تاۋەلدى ەمەس، ساتۋمەن اينالىسقاندار. باس بوستاندىعىنان ايىرۋ ورىندارىندا مەديسينالىق ءبولىم بار. ولار سول جەردە ەم الادى. بۇل باعىتتا جۇمىس جۇرگىزىلىپ جاتىر»، - دەدى ول ورتالىق كوممۋنيكاسيالار قىزمەتىندە دوڭگەلەك ۇستەل بارىسىندا.
ونىڭ اتاپ وتۋىنشە، 2016 جىلدان بەرى ناشاقورلىققا جانە ەسىرتكى بيزنەسىنە قارسى كۇرەس جونىندەگى 2023-2025 جىلدارعا ارنالعان كەشەندى جوسپار سىندى باعدارلامالىق قۇجات بولماعان. سوڭعى قۇجات 2012-2016 جىلدارعا ارنالعان. سودان كەيىن مەملەكەتتىك اۋقىمداعى مۇنداي قۇجات قابىلدانباعان.
«جاعدايدىڭ ءوزى جاستاردىڭ (ەسىرتكىگە) بەيىم ەكەندىگىن كورسەتىپ وتىر. ەسىرتكىگە تاۋەلدىلەر كوپ، قىلمىستىق جاۋاپكەرشىلىككە دە ءجيى تارتىلىپ جاتىر. سوندىقتان دا بۇل دەر ۋاقىتىندا قابىلدانعان ءىس-شارا. ءبىز تاياۋ ءۇش جىلدىڭ ىشىندە مەجەلەنگەن بارلىق تارماقتى جۇزەگە اسىرىپ، ەلدەگى ەسىرتكىگە قاتىستى احۋالدى تۇراقتاندىرۋىمىز قاجەت»، - دەدى باقىتجان ءامىرحانوۆ.