الماتىدا 7 قىركۇيەك كۇنى ساعات 11.00-دە ءال-فارابي اتىنداعى قازاق ۇلتتىق ۋنيۆەرسيتەتىندە الماتى قالاسى اكىمدىگىنىڭ قولداۋىمەن، الماتى قالاسى مۋزەيلەر بىرلەستىگىنىڭ ۇيىمداستىرۋىمەن مەملەكەت جانە قوعام قايراتكەرى، جازۋشى، مادەنيەتتانۋشى، ديپلومات، ورتالىق ازيا تاريحى مەن مادەنيەتى جونىندەگى كىتاپتاردىڭ اۆتورى مۇرات مۇحتار ۇلى اۋەزدىڭ 80 جىلدىعىنا ارنالعان «تاريحي-مادەني ۇدەرىستەگى ساباقتاستىق» تاقىرىبىندا حالىقارالىق عىلىمي-تاجىريبەلىك كونفەرەنسيا وتەدى.
كونفەرەنسياعا وتاندىق جانە الىس-جاقىن شەتەلدەردەن 100-دەن استام عالىم-زەرتتەۋشىلەر شاقىرىلعان، سونىمەن قاتار جازۋشىلار، شەتەلدىك ديپلوماتيالىق وكىلدىكتەر مەن كونسۋلدىق مەكەمەلەردىڭ باسشىلارى قاتىسادى، دەپ حابارلايدى Almaty-akshamy.kz.
كونفەرەنسيادا مۇرات اۋەز ەلەۋلى ۇلەس قوسقان «جاس تۇلپار» قوزعالىسى، «نيەۆادا-سەمەي» قوزعالىسى تۋرالى ماسەلەلەر، ۇلتتىق كينەموتوگرافياداعى «جاڭا تولقىننىڭ» قالىپتاسۋ ماسەلەلەرى، «جىبەك جولى بويىنداعى سۇحباتتار» جوباسى، قىتايداعى ەلشى رەتىندەگى ديپلوماتيالىق قىزمەتى، «مادەني مۇرا» باعدارلاماسىن ىسكە اسىرۋداعى ەڭبەگى، قازاقستان تاريحىنا، ادەبيەتى مەن مادەنيەتىن تەرەڭ زەرتتەگەن ەڭبەكتەرى باياندامالارعا ارقاۋ بولىپ، جەكەلەگەن سەسسيالاردا تالقىلاناتىن بولادى.
