قارجى مينيسترلىگى «ءفيلترلى، ءفيلترسىز سيگارەتتەرگە، پاپيروستارعا، سيگاريللالارعا جانە قىزدىرىلاتىن تەمەكىسى بار بۇيىمدارعا ەڭ تومەن بولشەك ساۋدا باعالارىن بەلگىلەۋ تۋرالى» بۇيرىققا تۇزەتۋلەر ازىرلەدى.
ناقتىراق ايتقاندا، ءفيلترلى، ءفيلترسىز سيگارەتتەرگە، پاپيروستارعا، سيگاريللالارعا جانە قىزدىرىلاتىن تەمەكىسى بار بۇيىمدارعا ەڭ تومەن بولشەك ساۋدا باعاسىن مىناداي مولشەردە بەلگىلەۋ ۇسىنىلادى، دەپ حابارلايدى Almaty-akshamy.kz Egemen.kz-كە سىلتەمە جاساپ.
- 2023 جىلعى 1 شىلدەدەن باستاپ 2023 جىلعى 31 جەلتوقساندى قوسا العاندا 710 تەڭگە؛
- 2024 جىلعى 1 قاڭتاردان باستاپ 770 تەڭگە.
تۇسىندىرىلگەندەي، تەمەكى ونىمدەرىنىڭ ەڭ تومەنگى بولشەك ساۋدا باعاسىنىڭ كوتەرىلۋ سەبەپتەرى:
- 2023-2024 جىلدارى اكسيز مولشەرلەمەسىنىڭ 14% ارتۋى؛
- يمپورتتىق شيكىزات پەن ماتەريالداردىڭ قۇنى ورتا ەسەپپەن 20% ارتۋى؛
- تەمەكى ونىمدەرىنىڭ شيكىزاتى مەن قۇرامداس بولىكتەرىن لوگيستيكانىڭ ايتارلىقتاي كۇردەلەنۋى؛
- 2022 جىلى ينفلياسيانىڭ 20،3%-عا دەيىن ءوسۋى.
تەمەكى مەن تەمەكى شەگۋدى تاراتۋ مەن پايدالانۋدى قىسقارتۋ اياسىندا تەمەكى باعاسى دا كوتەرىلەدى.
بۇيرىق 2023 جىلدىڭ 1 شىلدەسىنەن باستاپ كۇشىنە ەنەدى دەپ كوزدەلىپ وتىر.
قۇجات 19 مامىرعا دەيىن اشىق نقا سايتىندا جاريالانعان.