اقش-تا جاڭا ءدارى سىنالعان.
ول وسى اۋرۋدىڭ اسقىنۋىن 35 پايىزعا باسەڭدەتكەن، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
زەرتتەۋشىلەردىڭ ايتۋىنشا، بۇل – ۇلكەن جەتىستىك.
امەريكالىق «ەلاي ليللي» كومپانياسى السگەيمەر اۋرۋىنىڭ دامۋىن باياۋلاتاتىن ءدارى ويلاپ تاپتى. پرەپارات«دونا-نە-ماب» دەپ اتالادى. 1،5 جىلعا سوزىلعان زەرتتەۋگە 1 مىڭ 700 ادام قاتىسقان. ونىڭ بارىسىندا ءدارىنى قابىلداعان 47% ادامدا دەرتتىڭ قابىنۋى توقتاعان. ءبىراق كەي ناۋقاستاردا ميدىڭ ءىسىنۋى سياقتى كەرى جاناما اسەرلەر دە تىركەلگەن. دەگەنمەن بىرلەستىك اقش-تىڭ دارى-دارمەك ساپاسىن باقىلاۋ باسقارماسىنا پرەپاراتتى قولدانۋعا رۇقسات بەرۋگە ءوتىنىش جولداماق.
ايتا كەتسەك، ءقازىر قۇراما شتاتتار اۋماعىندا السگەيمەرگە شالدىققان 6 ميلليوننان استام ادام بار. بولجامدارعا قاراعاندا، ولاردىڭ سانى 2050 جىلعا دەيىن 13 ميلليونعا جەتۋى مۇمكىن.