ءبىزدىڭ زاڭناماعا سايكەس، ەندى Telegram، WhatsApp، TikTok سياقتى ينتەرنەت-پلاتفورمالار قازاقستاندا ءوز وكىلىن تاعايىنداۋعا مىندەتتى.
قازاقستاندا Telegram قۇقىق بۇزاتىن كونتەنتتى بىردەن ءوشىرىپ وتىرۋ ءۇشىن كەڭسەسىن اشپاق، دەپ حابارلايدى aqshamnews.kz
“ءبىز Telegram پلاتفورماسىمەن زاڭسىز كونتەنتتى جەدەل جويۋ جانە دەسترۋكتيۆتى ارنالاردى بۇعاتتاۋ بويىنشا بەلسەندى تۇردە ىنتىماقتاستىق ورناتىپ جاتىرمىز. ءبىزدىڭ زاڭناماعا سايكەس، ەندى Telegram، WhatsApp جانە TikTok سياقتى ينتەرنەت-پلاتفورمالار قازاقستاندا ءوز وكىلىن تاعايىنداۋعا مىندەتتى. Telegram-مەن ولاردىڭ وكىلىن تاعايىنداۋ جانە كەڭسە اشۋ تۋرالى كەلىسىمگە قول جەتكىزىلدى – بۇل كونتەنتتى باقىلاۋدى ارتتىرۋعا باعىتتالعان ماڭىزدى قادام”،-دەدى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ.