بۇگىن الماتى قالاسىنىڭ وڭىرلىك كوممۋنيكاسيالار قىزمەتى ۇيىمداستىرعان بريفينگ اياسىندا الماتى قالاسى بويىنشا باسەكەلەستىكتى قورعاۋ جانە دامىتۋ اگەنتتىگى دەپارتامەنتى باسشىسىنىڭ ورىنباسارى ەركەباي ابدۋباكييەۆ مونوپولياعا قارسى ورگاننىڭ اعىمداعى جۇمىسى مەن مىندەتتەرى تۋرالى بايانداما جاسادى، aqshamnews.kz
سپيكەر ءوز سوزىندە دەپارتامەنتتىڭ نەگىزگى مىندەتتەرى ادال باسەكەلەستىكتى دامىتۋعا جاردەمدەسۋ، مونوپولياعا قارسى زاڭنامانى بۇزۋشىلىقتاردىڭ الدىن الۋ جانە جولىن كەسۋ، سونداي-اق باسەكەلەستىكتى شەكتەيتىن نارىق سۋبەكتىلەرىن مونوپولياسىزداندىرۋ بولىپ تابىلاتىنىن اتاپ ءوتتى. وسى مىندەتتەردى ىسكە اسىرۋ ءۇشىن ۆەدومستۆو تاۋار نارىقتارىنا تالداۋ جۇرگىزەدى، حابارلامالار مەن نۇسقامالار بەرەدى، سونداي-اق انىقتالعان بۇزۋشىلىق فاكتىلەرى بويىنشا تەرگەۋلەر جۇرگىزەدى.
«2024 جىلى دەپارتامەنت الماتى قالاسىنىڭ ءتۇرلى نارىقتارىنداعى باسەكەلەستىكتىڭ جاي-كۇيىنە 23 تالداۋدى اياقتادى، ونىڭ ىشىندە تۇراق، ازىق-تۇلىك ريتەيلى، تەلەكوممۋنيكاسيا، ەنەرگەتيكا جانە باسقا دا قىزمەت نارىقتارى بار. تالداۋ بارىسىندا 34 دومينانت جانە 2 مونوپوليست انىقتالدى. جۇمىس ناتيجەلەرى بويىنشا 2،2 ملرد تەڭگە ايىپپۇل سالىندى، ونىڭ 1،3 ملرد تەڭگەسى ءوندىرىلدى»، - دەپ اتاپ ءوتتى سپيكەر.
تابىستى تەرگەۋلەردىڭ مىسالدارىنا «Petrosun» ج ش س، «قتج ماگيسترالدىق جەلىلەر» ج ش س جانە «الماتىگاز» ابونەنتتىك ەسەپ ايىرىسۋ ورتالىعى» ج ش س قاتىستى ىستەردى جاتقىزۋعا بولادى، وندا ۇستەم جاعدايدى تەرىس پايدالانۋ فاكتىلەرى انىقتالدى. ءاربىر ءىس بويىنشا ۇيعارىمدار شىعارىلدى جانە ايىپپۇلدار سالىندى، بۇل نارىقتاعى ءادىل باسەكەلەستىكتى قالپىنا كەلتىرۋگە ىقپال ەتەدى.
سپيكەر مونوپولياعا قارسى زاڭنامانى بۇزۋ تۋرالى مالىمەتتەردى تالداۋ ناتيجەلەرى بويىنشا «قازاقستان تەمىر جولى» ۇك» اق - ماگيسترالدىق جەلىنىڭ الماتى بولىمشەسى» فيليالىنىڭ اتىنا نارىق سۋبەكتىلەرىنىڭ قىزمەتىن رەتتەۋ فۋنكسيالارى مەملەكەتكە بەرىلگەن ۇيىمنىڭ باسەكەلەستىككە قارسى ءىس-قيمىل بەلگىلەرى بويىنشا حابارلاما ەنگىزىلگەنىن اتاپ ءوتتى.
«زاڭنامادا كىرمە جولدى پايدالانۋ ۇلتتىق ينفراقۇرىلىم وپەراتورى بەكىتەتىن كىرمە جولدا قىزمەت كورسەتۋ ءتارتىبى جانە قوزعالىستى ۇيىمداستىرۋ تۋرالى نۇسقاۋلىق نەگىزىندە جۇزەگە اسىرىلادى دەپ كوزدەلگەن. قتج فيليالى 233 نۇسقاۋلىقتى بەكىتتى، ونىڭ 80ء-ى باسەكەلەستىكتى شەكتەۋگە اكەپ سوقتىرعان مانيەۆرلىك جۇمىس قىزمەتتەرىن كورسەتۋگە قۇقىعى بار جالعىز سۋبەكتىنى انىقتادى. قازىرگى ۋاقىتتا قتج فيليالى انىقتالعان بۇزۋشىلىقتاردى جويۋ بويىنشا جۇمىس جۇرگىزۋدە»، - دەدى ە.ابدۋباكييەۆ.
ءسوز سوڭىندا ابدۋباكييەۆ الماتىدا باسەكەلەستىكتى قورعاۋ بويىنشا جۇمىس جالعاسىپ جاتقانىن جانە دەپارتامەنت سالاۋاتتى باسەكەلەستىك ورتانى قامتاماسىز ەتۋ ءۇشىن كاسىپكەرلەرمەن جانە قالا تۇرعىندارىمەن ودان ءارى ءوزارا ءىس-قيمىلعا دايىن ەكەنىن اتاپ ءوتتى.