بۇگىنگى كۇنى تەلەفونسىز ءبىر مينۋت ۋاقىتىڭىز وتپەيدى. ونىڭ بەتىنە ءۇڭىلىپ، ءبىر نارسە كورمەسەك تۇرا المايتىن جاعدايعا جەتتىك. سوندىقتان تەلەفوندى قىزعىشتاي قورعايمىز. اسىرەسە جاۋىندى كۇنى تۇپكى قالتاڭىزعا تىعىپ، سۋ تيۋدەن ساقتايسىز. ءبىراق، بولماشى عانا وتكەن سۋ تەلەفونىڭىزدى ىستەن شىعاراتىن كەزدەر كەزدەسىپ جاتادى. مۇنداي كەزدە نە ىستەۋگە بولادى؟
الدىمەن قۇرىلعىنى ءوشىرىپ، ونى قاپتاماسىنان شىعارىڭىز. سوسىن مۇمكىندىك بولسا باتارەيانى شىعارىپ، قۇرعاق شۇبەرەكپەن نەمەسە سۇلگىمەن ءسۇرتىپ، قالعان ىلعالدى كەتىرۋ ءۇشىن ونى شايقاۋ كەرەك. مۇنان كەيىن سمارتفونىڭىزدى قوسۋعا اسىقپاڭىز. كەم دەگەندە ءبىر كۇن كەپتىرۋىڭىز كەرەك. كەپتەگەن قۇرىلعىنى قوسۋعا نيەتتەنسەڭىز شاتاساسىز. سەبەبى ىشكى تۇيىقتالۋدىڭ سالدارىنان تەلەفونىڭىز جاراماي قالۋ ءقاۋپى باسىم.
ساراپشىلاردىڭ ايتۋىنشا، ارتىق ىلعالدى مينيمالدى قۋاتتا قوسىلعان شاڭسورعىشتى پايدالانۋ ارقىلى كەپتىرۋگە مۇمكىندىك بار.. سونداي-اق، تەلەفوندى كۇرىش نەمەسە سيليكاگەلدى شارلارعا سالۋعا بولادى. ءبىراق ەسكەرەتىن جاعداي، ولار سمارتفوننىڭ بەتىندەگى سۋدى سىڭىرەدى. قۇرىلعىنىڭ ىشىندەگى ىلعالدى كەپتىرە المايدى. سونان سوڭ تاعى ءبىر ەستە ساقتايتىن جاعداي، سۋعا تۇسكەن تەلەفونىڭىزدى تىكەلەي كۇن تۇسەتىن جەردە كەپتىرۋگە بولمايدى. قۇرىلعى ءىشى بۋلانىپ، ودان ءارى سۋ جينالۋى مۇمكىن.