"2048 جىلعا دەيىنگى كەزەڭگە ارنالعان "Alatau" ارنايى ەكونوميكالىق ايماعى قۇرىلسىن"، – دەلىنگەن قۇجاتتا.
"الاتاۋ" اەا اۋماعى دا ۇلعايادى. ول الماتى وبلىسىندا، الماتى قالاسىنىڭ سولتۇستىگىندە، 80 شاقىرىمدىق ا3 (الماتى – قونايەۆ) تاس جولىنىڭ بويىندا 96 560 گەكتار اۋماقتا ورنالاسادى.
G4 City اەا اۋماعى 30 مىڭ گەكتاردى قامتىعان ەدى.
اەا مىنا ماقساتتار ءۇشىن قۇرىلادى:
- ءوڭىردىڭ دامۋىنا جاڭا سەرپىن بەرەتىن جوبانى ىسكە اسىرۋ شەڭبەرىندە وتاندىق جانە شەتەلدىك ينۆەستيسيالاردى تارتۋ ءۇشىن قولايلى ينۆەستيسيالىق احۋالدى قامتاماسىز ەتۋ؛
- قامتاماسىز ەتۋگە جانە قاناعاتتاندىرۋعا قابىلەتتى زاماناۋي جوعارى ءتيىمدى، باسەكەگە قابىلەتتى تۋريستىك، مەديسينالىق، ءبىلىم بەرۋ، مادەني-دەمالىس ينفراقۇرىلىمىن جەدەل دامىتۋ، كەلۋشى قازاقستاندىق جانە شەتەلدىك ازاماتتاردىڭ قاجەتتىلىكتەرى، الماتى وبلىسىندا قىزمەت كورسەتۋدىڭ ساپالى جاڭا دەڭگەيىن قالىپتاستىرۋ.
اەا اۋماعىندا ارنايى قۇقىقتىق رەجيم بەلگىلەنەدى. اەا اۋماعىندا شەتەل ازاماتتارى مەن ازاماتتىعى جوق ادامداردىڭ، سونداي-اق ولاردىڭ كولىك قۇرالدارىنىڭ قازاقستان رەسپۋبليكاسىنىڭ زاڭناماسىندا جانە قازاقستان رەسپۋبليكاسى راتيفيكاسيالاعان حالىقارالىق كەلىسىمدەردە بەلگىلەنگەن كىرۋ، شىعۋ، ترانزيت جانە بولۋ ءتارتىبى قولدانىلادى.
قۇجات 21 قاراشاعا دەيىن قوعام بولىپ تالقىلاۋ ءۇشىن اشىق نقا سايتىندا جاريالانادى.