بۇگىنگى تاڭدا ستاسيونارلاردا 2 209 مىڭ دارى-دارمەك بار. بۇدان باسقا، 736 مىڭ كولەمدە دارىلىك زاتتاردى (دز) جەتكىزۋ كۇتىلۋدە. قالا ەمحانالارىندا 299 مىڭ دز بار، قوسىمشا 199 مىڭ دز ءتۇسۋ كۇتىلۋدە.
الماتى قالاسىنىڭ اكىمدىگى اپتا سايىن قالالىق ستاسيونارلاردىڭ، ەمحانالار مەن ءدارىحانالاردىڭ دارىلىك زاتتارمەن، مەديسينالىق ماقساتتاعى بۇيىمدارمەن (ممب) جانە جەكە قورعانۋ قۇرالدارىمەن (جقق) قامتاماسىز ەتىلۋىنە مونيتورينگ جۇرگىزەدى. بۇل تۋرالى الماتى قالاسى وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسى اكىمىنىڭ ورىنباسارى ماقسات قيقىموۆ ايتتى، دەپ حابارلايدى Almaty-akshamy.kz
بۇگىنگى تاڭدا كوروناۆيرۋستىق ينفەكسيانى ەمدەۋدە سۇرانىسقا يە دارى-دارمەكتەر بارلىق ءدارىحانالاردا بار. قامتاماسىز ەتۋ 85-90%-دى قۇرايدى، ءدارىحانالاردىڭ قالدىقتارىندا 1،3 ملن.سۇرانىسقا يە پرەپاراتتار بار.
تۇراقتاندىرۋ قورىنىڭ قاراجاتى ەسەبىنەن 2020 جىلعى شىلدە مەن 2021 جىلعى قىركۇيەك ارالىعىندا الماتىعا جوسپارلانعان 40 ملن. دز مەن ممب-دان 58،8 ملن. اكەلىندى، 43،6 ملن. ىسكە اسىرىلدى. بۇل رەتتە 8 ملن مولشەرىندە تومەندەتىلمەيتىن قالدىق ساقتالدى. ايتا كەتۋ كەرەك، قالانىڭ مەديسينالىق ۇيىمدارى، دارى-دارمەكتەر مەن مەديسينالىق ماقساتتاعى بۇيىمداردىڭ ءىرى كوتەرمە جەتكىزۋشىلەرى، سونداي-اق قالانىڭ بولشەك ساۋدا جەلىلەرى 2020 جىلعى تاجىريبەنى ەسكەرە وتىرىپ، سۇرانىستىڭ ىقتيمال وسۋىنە الدىن-الا دايىندالىپ، ءوز قويمالارىندا قورلار قالىپتاستىرادى.
دز جانە ممب تۇراقتاندىرۋ قورى جۇمىسىنىڭ وڭ تاجىريبەسىن، تۇرعىنداردى ۆاكسينالاۋ دەڭگەيىن جانە قالانىڭ فارماسيەۆتيكالىق كومپانيالارىندا دز جانە ممب قورلارىنىڭ بولۋىن ەسكەرە وتىرىپ، الماتى اكىمدىگى اينالىم سحەماسى بويىنشا 3،75 ملن بىرلىك مولشەرىندە تومەندەتىلمەيتىن قوردى ساقتاي وتىرىپ، كەمىندە 9.2 ملن بىرلىك دز جانە ممب جەتكىزۋ ءۇشىن 2،77 ملرد تەڭگە ءبولدى. وسىلايشا، قالادا ەكى ايلىق بەرىكتىك قورى ساقتالادى، بۇل ق ر دسم تالاپتارىنا سايكەس كەلەدى.