Almaty-akshamy.kz سايتىندا بۇگىن جارىق كورگەن جاڭالىقتارعا شولۋ – كۇن كەرۋەنى
الماتىنىڭ اۆتوبۋستارىنا نە كورىندى؟
قالادا اۆتوبۋسقا قاتىستى وقيعالار ءجيى بولىپ كەتتى، بۇگىن دە قالا كوشەسىندە ءبىر قوعامدىق كولىك ورتەندى.
ابىروي بولعاندا، سالوندا جولاۋشىلار بولماعاندىقتان زارداپ شەككەن ەشكىم جوق. توتەنشە جاعداي دەپارتامەنتىنىڭ مالىمەتىنشە، ءورت ءسوندىرۋ بريگاداسى وقيعا ورنىنا كەلگەنگە دەيىن اۆتوبۋس جۇرگىزۋشىسى قۇرمانعازى ماقاشيەۆ ۇنتاقتى ءورت سوندىرگىشتەردى قولدانىپ، وتقا ورانعان اۋا وتكىزگىش قۇرىلعىسىن سوندىرگەن.
اس تا اۋانى بۇلدىرەدى
الەمدە جىل سايىن 52 ميلليون توننا ەت قوقىسقا تاستالادى. تاعام قالدىقتارى، اسىرەسە ەت ونىمدەرى اۋاعا كومىرقىشقىل گازىنان دا 20 ەسە كۇشتى پارنيكتىك گاز، مەتان ءبولىپ شىعارادى.
دۇنيە جۇزىندە جىل سايىن وندىرىلەتىن 4 ملرد.توننا استىقتىڭ دا 40 پايىزى بوسقا ىسىراپ بولىپ جاتىر. بريتانيالىق عالىمدار كەلتىرگەن ستاتيستيكاعا سۇيەنسەك، جەمىس-جيدەك پەن كوكونىستىڭ 40 پايىزى وندىرۋشىدەن تۇتىنۋشىعا جەتپەي، جارتى جولدا قالىپ قويادى.
دۇكەندە گاز جارىلعان
سونىڭ كەسىرىنەن دۇكەن عيماراتى قۇلاعان. وقيعا تەمىرتاۋداعى ۆاتۋتينا كوشەسىندەگى ەكى قاباتتى دۇكەن عيماراتىندا بولعان.
توتەنشە جاعدايلار مينيسترلىگىنىڭ باسپا ءسوز قىزمەتى تاراتقان اقپارات بويىنشا، ءۇيىندى استىنان ءبىر ايەل شىعارىلدى. ول ءۇيىندىنىڭ استىندا ەر ادامنىڭ قالعانىن ايتقان. قۇتقارۋ جۇمىستارى جالعاسۋدا.
Tele2-گە كىم يە؟
قازاقستاننىڭ ءىرى تەلەكوممۋنيكاسيالىق وپەراتورى «قازاقتەلەكوم» ءوزىنىڭ ءموبيلدى اكتيۆتەرىنىڭ ءبىرى – «موبايل تەلەكوم-سەرۆيس» ج ش س (Tele2/ALTEL برەندتەرى) تاياۋ شىعىستىڭ جەتەكشى كونگلومەراتى – قاتارلىق Power International Holding-كە ساتۋدى كوزدەپ وتىر. قاعيداتتار تۋرالى ءۇش جاقتى كەلىسىمگە («سامۇرىق-قازىنا» اق) تاراپتار قازاقستان پرەزيدەنتىنىڭ قاتار ەلىنە رەسمي ساپارى شەڭبەرىندە قول قويىلدى.
جانارمايدىڭ باعاسى قانشا بولادى؟
«اشىق نقا» پورتالىندا ەنەرگەتيكا مينيسترلىگى شىعارعان بۇيرىقتىڭ جوباسى جاريالاندى. جوبا 28 اقپانعا دەيىن قوعامدىق تالقىلاۋدان وتەدى. ەنەرگەتيكا مينيسترلىگى بەنزين مەن ديزەلدىڭ جاڭا باعاسىن بەلگىلەمەك.
سۋدىڭ دا سۇراۋى بار
سول سەبەپتى اۋىز سۋعا ءارتاراپتاندىرىلعان تاريف بەلگىلەنەدى. سۋ رەسۋرستارى جانە يرريگاسيا ءمينيسترى ن.نۇرجىگىتوۆتىڭ مالىمدەۋىنشە، مۇنداي تاريف ەنگىزۋ ارقىلى جىلىنا 13 ملرد تەڭگە تارتۋعا مۇمكىندىك بولادى. جوسپار بويىنشا تۇتىنۋشىلاردى ءتورت توپقا بولمەك.
قاراعاندىنىڭ قارقىنى قانداي؟
ۇكىمەت باسشىسى ولجاس بەكتەنوۆ قاراعاندى وبلىسىنىڭ ءبىرقاتار نەگىزگى ونەركاسىپتىك كاسىپورنىنا باردى. 2024 جىلى 252 ملرد تەڭگەگە 10 ينۆەستيسيالىق جوبانى ىسكە اسىرۋ جوسپارلانىپ وتىر. اتاپ ايتقاندا، كاتودتى مىس، كرەمنيي قورىتپالارى، جەل ەنەرگەتيكاسى مۇنارالارى، مىرىشتالعان مەتالل بۇيىمدارى جانە ت.ب. شىعارۋ بويىنشا جاڭا وندىرىستەر اشىلۋى ءتيىس. ساران قالاسىندا جۇك اۆتوموبيلدەرىنىڭ ءوندىرىسى ىسكە قوسىلادى.
«سارىارقا» ارنايى ەكونوميكالىق ايماعىن ارالاۋ بارىسىندا ولجاس بەكتەنوۆ «Steel Manufacturing» پاترون زاۋىتىنىڭ جۇمىسىمەن تانىستى. بيىل ۆينتوۆكا پاتروندارى جەلىسىن ىسكە قوسۋ جۇمىستارىن اياقتاۋ جوسپارلانىپ وتىر، سونداي-اق ءتۇرلى كاليبردەگى پاترونداردىڭ سەريالىق ءوندىرىسى ىسكە قوسىلادى دەپ كۇتىلۋدە.
قازاقستاندىق پاترون زاۋىتى – قورعانىس-ونەركاسىپ كەشەنىندەگى جوعارى تەحنولوگيالىق بىردەن-بىر كاسىپورىن. مۇندا قاۋىپسىزدىك ماسەلەسىنە جانە ءوندىرىستى اۆتوماتتاندىرۋعا باسىمدىق بەرىلگەن، وندىرىستىك پروسەستىڭ بارلىعى ادامنىڭ قاتىسۋىنسىز، اۆتوماتتى تۇردە جۇزەگە اسىرىلادى.
«11 كوپىر مەن نىسان بويىنشا جۇمىستار اياقتالىپ، بالقاش قالاسىن اينالىپ وتەتىن جەردە تەمىرجول كوپىرى ارقىلى وتپە جول سالىندى. وعان قوسا تاسجول بويىندا 18 دەمالىس الاڭى، ونىڭ ىشىندە سانيتاريالىق-گيگيەنالىق توراپتار سالىنباق. جوبانى اياقتاۋ ءۇشىن ءقازىر جول قۇرىلىسى ماتەريالدارى مەن قاجەتتى جايلاستىرۋ ەلەمەنتتەرى بەلسەندى تۇردە دايىندالىپ جاتىر.
ودان كەيىن ولجاس بەكتەنوۆ Qarmet مەتاللۋرگيالىق كومبيناتىنىڭ وندىرىستىك سەحتارىنا باردى. بۇگىنگى تاڭدا كومبينات – رەسپۋبليكاداعى تولىق وندىرىستىك سيكلى بار ءىرى تاۋ-كەن جانە بولات كاسىپورىندارىنىڭ ءبىرى.
سودان كەيىن ولجاس بەكتەنوۆ اۆتوموبيل شينالارىن شىعاراتىن «KamaTyresKZ» كاسىپورنىنا باردى. مۇندا كوكتەمدە سەريالىق ءوندىرىستى باستاۋ جوسپارلانىپ وتىر. ول ءۇشىن ارنايى كۋرستاردان ءبىلىم العان 500-دەن استام قىزمەتكەر بۇگىندە جۇمىسقا كىرىسۋگە دايىن، ال كاسىپورىن تولىق قۋاتىنا شىققاننان كەيىن قوسىمشا 1 000-نان استام جۇمىس ورنى اشىلماق.
جۋرناليستەرگە ارنالعان جيىن
مادەنيەت جانە اقپارات مينيسترلىگى جۋرناليستەردى داعدارىستىق كوممۋنيكاسيالار جانە اسكەري جۋرناليستيكا جونىندەگى وقۋ-ادىستەمەلىك جيىنعا شاقىرادى.
شارانىڭ ماقساتى – حالىقتى سەنىمدى جانە ۋاقتىلى حاباردار ەتۋ ماقساتىندا داعدارىس، توتەنشە، اسكەري قاقتىعىستار جاعدايلارىنداعى ىس-ارەكەتتەر مەن جۇمىس ەرەكشەلىكتەرى بويىنشا باسپا ءسوز قىزمەتتەرى، ب ا ق جانە قوعامداستىق بلوگى وكىلدەرىنىڭ كاسىبيلىگى مەن جۇمىس ساپاسىن ارتتىرۋ.
مارتەبە مەن ماڭىز
استانادا مادەنيەت جانە اقپارات ءمينيسترى ايدا بالايەۆا «جۋرناليست ەتيكاسى» تاقىرىبىنداعى دوڭگەلەك ۇستەلدە جۋرناليستيكانىڭ مارتەبەسى ونىڭ قوعام جانە مەملەكەت الدىنداعى ماڭىزى مەن رولىنە سايكەس كەلمەيتىنىن ايتتى.
«سيفرلىق مەديانىڭ ۇستەمدىك قۇرۋى قازىرگى جۋرناليستيكاداعى ەتيكالىق داعدارىستىڭ سەبەپشىسى بولدى. سيفرلىق كونتەنتتى بارلىق ادام جاريالاي الادى، ونىڭ ىشىندە كاسىبي ءبىلىمى جوقتار دا بار. شەكارا انىق بولماعان جاعدايدا، ەتيكالىق پرينسيپتەردى ساقتاۋ، ءوز قىزمەتىڭ ءۇشىن جاۋاپ بەرۋ وتە قيىن. قازاقستاندىق قوعامدا فاكچەكينگ جانە ۆەريفيكاسيا سياقتى ۇعىمداردى نىعايتۋ ماڭىزدى. سەبەبى جۋرناليستەردىڭ نەگىزگى كاسىبي مىندەتى – ناقتى فاكتىلەردى حابارلاۋ جانە وقيعانى ەش بۇرمالاماي جەتكىزۋ»، دەدى ايدا بالايەۆا.
جول اقىسى قىمباتتاي ما؟
كولىك ءمينيسترى مارات قارابايەۆتىڭ ايتۋىنشا، ەلىمىزدەگى اقىلى جولداردىڭ ءتاريفى كوتەرىلەدى.
«2013 جىلدان بەرى تاريف 11 جىل بويى وزگەرگەن جوق. وتكەن جىلى 20 پايىزعا قىمباتتادى. ءبىزدىڭ ءتاريفتى كورشى ەلمەن سالىستىرساڭىزدار، قازاقستاندا - 1 تەڭگە 20 تيىن بولسا، رەسەيدە - 7 تەڭگە. سىزدەر سالىق تولەۋشىلەردىڭ ەمەس، «قازاۆتوجولدىڭ» بيۋدجەتى ەسەبىنەن بولعانىن قالايسىزدار عوي. وندا ءبىر عانا جولى بار، ول – اقىلى جولدار ءتاريفىن كوتەرۋ»، - دەدى مينيستر.
بۇل قاي سايلاۋ؟
26 اقپاندا ۇلتتىق وليمپيادا كوميتەتىنىڭ پرەزيدەنتتىگىنە سايلاۋ وتەدى. ەلىمىزدىڭ ۇلتتىق وليمپيادا كوميتەتىنىڭ پرەزيدەنتتىگىنە كانديدات رەتىندە تيمۋر قۇلىبايەۆتىڭ ورنىنا گەنناديي گولوۆكين ۇسىنىلعان. داڭقتى بوكسشىنى سايلاۋ ۇيىمنىڭ 26 اقپاندا وتەتىن باس اسسامبلەياسىنىڭ وتىرىسىندا داۋىس بەرۋ ارقىلى شەشىلەدى.