ماگيسترالدىق تەمىرجول جەلىسى قىزمەتتەرىنىڭ ءتاريفى 4 پايىزعا ءوستى.
بۇعان قىزمەت شىعىنىنىڭ تابىس كولەمىنەن كوپتىگى سەبەپ كورىنەدى. بۇل جايلى كولىك ءمينيسترى مارات قارابايەۆ مالىمدەدى.
ايتۋىنشا، قازاقستان تەمىرجولىنىڭ كىرىسى شىعىننىڭ تەك 50-60 پايىزىن وتەپ وتىر. سونداي-اق مينيستر ەلدە تەمىرجول ۆوكزالدارىنىڭ ەسكىرگەنى جايلى ايتتى. ماسەلەن، قازاقستاندا 59 ۆوكزال بولاتىن بولسا، ءقازىر ونىڭ تەك تورتەۋى عانا كۇردەلى جوندەۋدەن ءوتىپ جاتىر. قالعانىنا كەزەڭ-كەزەڭىمەن جاڭارتۋ جۇمىستارى جۇرگىزىلەدى. ول ءۇشىن رەسپۋبليكالىق جانە وڭىرلىك بيۋدجەتتەردەن قارجى بولىنەدى.
"بىرەۋى قىزىلوردا، ول ءوتتى، تاعى دا ۇشەۋى ءوتىپ جاتىر. پاۆلودار بيزنەستىڭ الەۋمەتتىك ج ش س ەسەبىنەن ىستەلىپ جاتىر جانە تۇركىستان مەن شىمكەنت، شىمكەنت جەكە كاسىپكەردىڭ ەسەبىنەن ىستەپ جاتىر. ءبىراق تۇركىستان جاقتا اكىمدىكتىڭ ەسەبىنەن ىستەپ جاتىر. قالعان 55ء-ىن ەكىگە ءبولىپ جاتىرمىز" - دەدى ق ر كولىك ءمينيسترى مارات قارابايەۆ.
تەمىرجول ۆاگوندارىنىڭ دا توزىعى جەتكەن. بىلتىر بۇل ولقىلىقتىڭ ورنىن تولتىرۋ ءۇشىن 118 ۆاگون ساتىپ الىنعان. بيىل تاعى دا 100-دەن اسا جاڭا ۆاگوندى قولدانىسقا بەرۋ جوسپارلانىپ وتىر. كەلەسى جىلى دا جاڭالاۋ جۇمىسى قارقىندى جۇرگىزىلەدى.