جىلىتۋ كەزەڭىندە جىلىتۋ پەشتەرىن دۇرىس پايدالانباۋدان تۇرعىندار ۋلى گازبەن ۋلانۋ جاعدايلارى از تىركەلمەيدى.
ماسەلەن، اعىمداعى جىلدىڭ 15 اقپانىندا ساعات 13.40-تا الماتى قالاسى ءتجد-نىڭ 112 پۋلتىنە جەدەل مەديسينالىق جاردەم قىزمەتىنەن ناۋرىزباي اۋدانىنىڭ شۇعىلا شاعىن اۋدانى الدىن الا اقپارات بويىنشا كومىرمەن جىلىتىلاتىن پەش قاقپاسى جابىق بولعاندىقتان، ۋلى گازبەن ۋلانعانى تۋرالى اقپارات كەلىپ ءتۇستى. مەديسينا قىزمەتكەرلەرى وتباسى مۇشەلەرىنىڭ، ونىڭ ىشىندە 3 بالانىڭ جاعدايى «تۇراقتى» دەپ انىقتادى، سونىمەن قاتار ەرەسەك ادامدار اۋرۋحاناعا جاتقىزۋدان باس تارتتى، ءبىراق بالالار دارىگەرلەردىڭ قاراۋىندا قالدى. قازىرگى تاڭدا ولاردىڭ ءومىرى مەن دەنساۋلىعىنا ەشبىر ءقاۋىپ جوق، دەپ حابارلايدى Almaty-alshamy.kz ق ر تجم سايتىنا سىلتەمە جاساپ.
بۇعان دەيىن 2024 جىلدىڭ 12 اقپانىندا تۇرعىن ءۇي سەكتورىن پروفيلاكتيكالىق ارالاۋ بارىسىندا ناۋرىزباي اۋدانى تج باسقارماسىنىڭ قىزمەتكەرلەرى وسى وتباسىمەن جىلۋ بەرۋ كەزەڭىندە قاۋىپسىزدىك ەرەجەلەرىن ساقتاۋ تۋرالى تۇسىندىرمە اڭگىمە جۇرگىزگەن.
جالپى، الماتى قالاسى تجد جۇيەلى جوسپارىنا سايكەس جىلۋ بەرۋ كەزەڭىندە ءورت قاۋىپسىزدىگى حابارلاندىرۋلارمەن بارلىعى 164 مىڭنان استام ءۇي قامتىلىپ، نۇسقاۋ بەرىلدى
ءورت قاۋىپسىزدىگى ەرەجەلەرىنىڭ 28 مىڭنان استام بۇزۋشىلىعى انىقتالدى (اۆتونومدى جىلىتۋ جۇيەلەرىمەن، ەلەكتر جەلىلەرى مەن جابدىقتارىن پايدالانۋعا بايلانىستى ءورت قاۋىپسىزدىگى سالاسىندا بۇزۋشىلىقتار جانە ت.ب.). انىقتالعان بۇزۋشىلىقتاردى جويۋ بويىنشا جەكە تۇرعىن ءۇي يەلەرىنە ۇسىنىمدار بەرىلدى.
قۇتقارۋشىلار اتاپ وتكەندەي، ءۇيدىڭ ءىشى سۋىپ كەتپەۋ ءۇشىن جەكە سەكتور تۇرعىندارىنىڭ كوبىسى ۇيىقتار الدىندا پەش جاپقىشىن ۋاقتىلى اشپايدى.
مۇنداي ارەكەت ءۇيدى ءيىسى دە جوق، ءبىراق ومىرگە وتە ءقاۋىپتى ۋلى گازدىڭ تارالۋى مۇمكىن. ونىڭ ءتۇسى، ءيىسى جوق، ءبىراق ادام ومىرىنە وتە ءقاۋىپتى.
وسىعان بايلانىستى، پەشتىڭ جاپقىشىن كومىردىڭ ۇستىندەگى كوك جالىن جوق بولىپ كەتكەننەن كەيىن عانا جابىڭىز. سوڭىنا دەيىن جانباي جاتىپ جابىلعان پەش جابىنى ۋلى گازدىڭ كوزى بولىپ تابىلادى.