بۇل تۋرالى الماتى قالاسى بويىنشا تەكسەرۋ كوميسسياسىنىڭ ءتوراعاسى التاي بەردىقۇلوۆ قالالىق ءماسليحاتتىڭ VI سەسسياسىندا ايتتى.
ا. بەردىقۇلوۆتىڭ مالىمدەۋىنشە سوڭعى 5 جىلدا الماتى قالاسىنىڭ بيۋدجەتى ەداۋىر وسكەنىنە قاراماستان، ونى تولىقتىرۋدا بارلىق رەزەرۆ تارتىلعان جوق.
بيۋدجەتتى قوسىمشا تولىقتىرۋ ادىستەرىنىڭ ىشىندە قالانىڭ ساۋدا بازارلارىن كولەڭكەلى سەكتوردان شىعارۋ، جەر سالىعىنىڭ مولشەرلەمەسىن قايتا قاراۋ، زاڭسىز جارناما ورنالاستىرۋدىڭ جولىن كەسۋ، اكىمشىلىك ايىپپۇلداردى ءوندىرىپ الۋدى كوبەيتۋ اتالدى.
«اتالعان بۇل شارالارعا جۇرگىزىلگەن تالداۋعا سايكەس، جەرگىلىكتى بيۋدجەتكە تۇسەتىن تۇسىمدەردىڭ قوسىمشا رەزەرۆتەرىن جىل سايىن 50 ملرد تەڭگەگە دەيىن قاراستىرۋعا مۇمكىندىك بەرەدى»، - دەدى التاي بەردىقۇلوۆ.