الماتىنىڭ 2022 جىلعى جەرگىلىكتى بيۋدجەت كىرىسى 1 175،1 ملرد.تەڭگە بولدى، بۇل 2021 جىلمەن سالىستىرعاندا 42%-عا ارتىق، دەپ حابارلادى الماتى قالاسى بويىنشا تەكسەرۋ كوميسسياسىنىڭ ءتوراعاسى التاي بەردىقۇلوۆ قالالىق ءماسليحاتتىڭ VI سەسسياسىندا.
قالا بيۋدجەتىنىڭ كىرىستەر قۇرىلىمىندا نەگىزگى ۇلەس سالىق تۇسىمدەرىنە تيەسىلى، ول 164،2 ملرد. تەڭگە كولەمىندەگى جوسپارلى كورسەتكىشتەن اسىپ، 1 122،1 ملرد. تەڭگەگە جەتكەن. 2021 جىلمەن سالىستىرعاندا سالىق تۇسىمدەرى 332 ملرد. تەڭگەگە نەمەسە 42%-عا ۇلعايدى.
2022 جىلى سالىقتىق ەمەس تۇسىمدەر 16،5 ملرد. تەڭگە بولدى. نەگىزگى كاپيتالدى ساتۋدان تۇسكەن كىرىستەر 36،4 ملرد. تەڭگەگە جەتتى، جوسپار 23،8%-عا اسىرا ورىندالدى.
«قاڭتار وقيعاسىندا بيزنەسكە كەلتىرىلگەن زالالمەن بايلانىستى جىلدىڭ اۋىر باستالۋىنا قاراماستان، اكىمدىكتىڭ شوب-تى قالپىنا كەلتىرۋ جانە قولداۋ بويىنشا ۋاقىتىلى قابىلداعان شارالارى، سونىمەن قاتار، مكد اكىمشىلەندىرۋدى جاقسارتۋ سالىقتان تۇسەتىن تۇسىمدەردى كوبەيتۋدە وڭ ناتيجەسىن بەردى»، - دەدى التاي بەردىقۇلوۆ.
2022 جىلعى تۇسىمدەردىڭ جالپى كولەمىندە 15،9% رەسپۋبليكالىق بيۋدجەتتەن 224،1 ملرد.تەڭگە سوماسىندا ترانسفەرتتەر (2021 جىلمەن سالىستىرعاندا 28%-عا ءوسىم)، 0،6% - باعالى قاعازداردى ورنالاستىرۋدان تۇسەتىن تۇسىمدەر، 0،01% - قارجى اكتيۆتەرى مەن بيۋدجەت نەسيەسىن ساتۋدان جانە 0،1% - بيۋدجەت نەسيەسىن وتەۋدەن تۇسەتىن ءتۇسىم.
2023 جىلدىڭ I توقسانىنىڭ قورىتىندىسى بويىنشا تۇسىمدەر 340،7 ملرد.تەڭگە بولدى، بۇل 2022 جىلدىڭ وسى كەزەڭىمەن سالىستىرعاندا 139،2 ملرد. تەڭگەگە نەمەسە 69%-عا كوپ.