الماتىداعى قويمالاردىڭ بىرىندە جەدەلساتى جۇمىسشىنى باسىپ قالدى.
21 جاستاعى جىگىت العان جاراقاتىنان سول جەردە كوز جۇمدى. قايعىلى وقيعا تۇركسىب اۋدانىنداعى "Norma Logistics" ج ش س قويما كەشەنىنىڭ اۋماعىندا بولعان، دەپ حابارلايدى aqshamnews.kz
الەۋمەتتىك جەلىلەردە تاراعان اقپاراتقا سايكەس، جۇمىسشى دانەكەرلەۋ جۇمىستارىن جۇرگىزىپ جاتقاندا جەدەل ساتىنىڭ استىندا قالىپ قويعان.
اتالعان جاعدايعا قاتىستى الماتى قالاسىنىڭ پوليسيا دەپارتامەنتىنىڭ باسپا ءسوز قىزمەتىنەن پىكىر ءبىلدىردى.
"تۇركسىب اۋداندىق پوليسيا باسقارماسى ەڭبەك قاۋىپسىزدىگى ەرەجەلەرىن بۇزۋ دەرەگى بويىنشا قىلمىستىق ءىس قوزعادى. كىسى ءولىمىنىڭ سەبەبىن انىقتاۋ ماقساتىندا سوت-مەديسينالىق ساراپتاما تاعايىندالدى. سونىمەن قاتار، وقيعانىڭ وبەكتيۆتى ءمان-جايلارىن انىقتاۋعا باعىتتالعان تەرگەۋ شارالارى كەشەنى جۇرگىزىلىپ جاتىر"، - دەدى الماتى قالاسى پوليسيا دەپارتامەنتىنىڭ رەسمي وكىلى سالتانات ازىربەك.