ءبىلىم جانە عىلىم ءمينيسترى اسحات قانات ۇلى ءوزىنىڭ فەيسبۋك-اككاۋنتىندا مەكتەپتەر، كوللەدج بەن جوو-دا دەبات قوزعالىسىنىڭ قايتا جاندانۋى ماسەلەسىنە كوڭىل بولگەن ەدى.
وسى ورايدا، الماتى جاستارىنىڭ اراسىندا دەبات ويىندارىن جاڭعىرتۋ، جاستاردىڭ جان-جاقتى دامۋى، ولاردىڭ ازاماتتىق بەلسەندىلىگىن ارتتىرۋ ماقساتىندا الماتى قالاسى اكىمدىگى قوعامدىق دامۋ باسقارماسى جانە الماتى قالالىق “Jas Otan” جاستار قاناتىنىڭ قولداۋىمەن، "ۆولونتەرلار ليگاسى" قوعامدىق قورى جانە الماتى پىكىرسايىس فەدەراسياسىنىڭ ۇيىمداستىرۋىمەن «ءبىلىمدى ۇرپاق – ەل بولاشاعى» تاقىرىبىندا 2 كۇندىك «اپف پرەميۋم 2» پىكىرسايىس ءتۋرنيرى ءوتتى.
ءتۋرنيردىڭ ءبىرىنشى بولىگى ونلاين فورماتتا «ZOOM» پلاتفورماسى ارقىلى ءوتتى. قاتىسۋشىلاردى الدىن-الا تىركەپ، باس تورەشى قارسىلاس كوماندالاردى اتاپ وتكەن سوڭ، «ZOOM» پلاتفورماسىنىڭ مۇمكىندىكتەرىن پايدالانا وتىرىپ، فراكسيالاردى سەسسيا زالدارىنا وتكىزدىك. تۋرنير ونلاين فورماتتا وتكەنىمەن، بىر-بىرىنە كەدەرگىسىز، تەز ءارى ىڭعايلى ءوتتى.
جارتىلاي فينال “Jas Otan” جاستار قاناتىنىڭ الماتى قالالىق فيليالىندا ءوتتى. ىرىكتەلگەن 8 فراكسيا اراسىندا تايتالاس بولىپ، جەڭىسكە №2 الماتى مەملەكەتتىك گۋمانيتارلىق-پەداگوگيكالىق كوللەدجىنىڭ “BEST” فراكسياسى، 2-ورىنعا قۇقىق كوللەدجىنىڭ «BL» فراكسياسى، ال 3-ورىنعا «باۋىرساقتار» جانە «اۆتوماتيكي» فراكسيالارى جەڭىسكە جەتتى.
دەبات ويىندارىنىڭ دامۋى جاستارىمىزعا ۇلكەن مۇمكىندىكتەر اكەلىپ وتىر. جاڭا فورماتتاردىڭ پايدا بولۋى، ويىنشىلارعا كورسەتىلەتىن قولداۋ پىكىرسايىستى جاڭا ساتىعا كوتەرەدى. جالپى دەبات ويىندارى وراتورلىق شەبەرلىكتى دامىتىپ قويمايدى، ادامنىڭ جان-جاقتى بولۋىنا، ىشكى ساياسات پەن سىرتقى ساياساتتان حاباردار بولۋىنا، ساياسي پىكىردىڭ قالىپتاسۋىنا، ساياسي ساۋاتتى ۇرپاقتىڭ وسۋىنە ىقپالىن تيگىزەدى.