بيىل اتا-بابامىز اڭساعان قاستەرلى تاۋەلسىزدىگىمىزدىڭ 30 جىلدىعى تولدى. تاۋەلسىزدىگىمىزدىڭ 30 جىلدىعىنا وراي جانە «Nur Otan» پارتياسى جانىنداعى «Jas Otan» جاستار قاناتىنىڭ رەسپۋبليكالىق 2025 جىلعا دەيىنگى «جاستار – وتانعا!» باعدارلاماسىنىڭ «ساپالى ءبىلىم» ينديكاتورىن جۇزەگە اسىرۋ اياسىندا الماتى قالاسىنىڭ جاستارى، ياعني جوو جانە تجكب ستۋدەنتەرى، اراسىندا دەباتتان تۋرنير وتكىزۋدى قولعا الدىق.
ءتۋرنيردىڭ نەگىزگى ماقساتى – جاستار اراسىندا تاۋەلسىزدىگىمىزدى ناسيحاتتاپ، تاريحىمىزدى ەسكە الا وتىرىپ، دەباتقا قىزىعۋشى جاستارعا قولداۋ كورسەتۋ.
قازان ايىنىڭ 23-جۇلدىزىندا الماتى قالاسى جاستارىنىڭ اراسىندا «ZOOM» پلاتفورماسى ارقىلى «بولاشاق كىلتى – جاستار قولىندا» تاقىرىبىندا «Jas Otan CUP I» دەباتتىق تۋرنير ءوتتى. تۋرنير تولىعىمەن ونلاين فورماتتا ءوتتى.
دەباتتىق ويىنعا 20 فراكسيا قاتىسىپ، اپف جانە بپف فورماتتارىندا ءوتتى. قارارلار بۇگىنگى كۇندە وزەكتى تاقىرىپتار اياسىندا بولدى.
قاتىسۋشىلارعا ارنايى ءبىر كۇن بۇرىن تۋرنير ەرەجەلەرىن ءتۇسىندىرۋ ماقساتىندا باس تورەشىنىڭ قاتىسۋىمەن ماستەر-كلاسس ءوتتى.
تۋرنير ناتيجەسى بويىنشا، جۇلدەلى 1-ورىنعا الماتى جوعارى مەديسينالىق كوللەدجىنىڭ «YOLO» فراكسياسى، 2-ورىنعا №2 الماتى مەملەكەتتىك گۋمانيتارلىق-پەداگوگيكالىق كوللەدجىنىڭ “BEST” فراكسياسى، ال 3-ورىنعا الماتى اۆتومەحانيكا كوللەدجىنىڭ “جاس ماماندار” فراكسياسى يەلەندى.
الماتى قالاسى «Jas Otan» جاستار قاناتىنىڭ ءتوراعا ورىنباسارى اكەجان باقىت ۇلى:
«مەملەكەتتىك تىلدەگى دەباتتىق قوزعالىس جاڭا ساتىعا كوتەرىلىپ كەلەدى. اپتا سايىن ءوتىپ وتىرعان دەباتتىق ويىندار جاستار اراسىندا تالپىنىستى كوبەيتىپ، ولاردىڭ جان-جاقتى بولۋىنا، جاڭا ەرۋديسيالى ورتاعا تۇسۋىنە، ءوز كوزقاراستارىن ساۋاتتى جەتكىزۋنە ىقپال ەتەدى»، - دەدى.