وقۋ-اعارتۋ مينيسترلىگىنىڭ تەحنيكالىق جانە كاسىپتىك ءبىلىم دەپارتامەنتى ەڭ سۇرانىسقا يە باعىتتاردىڭ رەيتينگىن جاسادى.
بيىل مەملەكەتتىك ءبىلىم بەرۋ تاپسىرىسى بويىنشا 130 مىڭنان استام تالاپكەردى قابىلداۋ جوسپارلانۋدا، ونىڭ ىشىندە كاسىپورىنداردىڭ وتىنىمدەرى بويىنشا 10 مىڭ ستۋدەنت بار، دەپ حابارلايدى Almaty-akshamy.kz.
قازىرگى ۋاقىتتا ەڭبەك نارىعىندا كەلەسى باعىتتار سۇرانىسقا يە:
• اقپاراتتىق تەحنولوگيالار؛
• قۇرىلىس جانە كوممۋنالدىق شارۋاشىلىق؛
• گەولوگيا؛
• تاۋ-كەن ونەركاسىبى؛
• ەنەرگەتيكا؛
• مەتاللۋرگيا جانە ماشينا جاساۋ؛
• كولىك؛
• بايلانىس؛
• پەداگوگيكا؛
• مەديسينا جانە ت.ب.
«ەلىمىزدىڭ كوللەدجدەرىندە بارلىعى 517 مىڭ ستۋدەنت وقيدى، ونىڭ ىشىندە 312 مىڭى تەگىن تەحنيكالىق جانە كاسىپتىك بىلىممەن قامتىلعان. بيىل مەملەكەتتىك ءبىلىم بەرۋ تاپسىرىسى 50 مىڭ ورىنعا ارتادى. سونىمەن قاتار جاڭا وقۋ جىلىنان باستاپ كوللەدج ستۋدەنتتەرىنىڭ ستيپەندياسى 50% - عا كوبەيەدى»، - دەپ جازدى مينيسترلىكتەن.
مەملەكەتتىك تاپسىرىس بويىنشا ءبىلىم الاتىن ستۋدەنتتەر الەۋمەتتىك قولداۋمەن قامتىلادى. وعان ستيپەنديا، تاماق جانە جولاقى كىرەدى.