الماتىدا “قىلمىستىق تورتتىك” كاسىپكەردەن 2 ملن تەڭگە بوپسالاعان ۇستالدى.
ارنايى ءىس-شارا بارىسىندا وسى قىلمىستى جاسادى دەگەن كۇدىكپەن ءتورت ەر ادام ۇستالدى، دەپ حابارلايدى Almaty-akshamy.kz.
Polisia.kz اقپاراتىنا جۇگىنسەك، ولاردىڭ ۇشەۋى بۇرىن قاراقشىلىق شابۋىل، دەنساۋلىققا اۋىر زيان كەلتىرۋ جانە بوتەننىڭ مۇلكىن ۇرلاۋ بويىنشا ءىستى بولعاندىعى بەلگىلى بولدى.
«كۇدىكتىلەر فيزيكالىق كۇش قولدانامىن دەپ قورقىتىپ، كاسىپكەر 21 جاستاعى ك. ەسىمدى ازاماتتان 2 ملن تەڭگە كولەمىندە اقشا بوپسالاعان. كۇدىكتىلەر سۇراعان سومانىڭ ءبىرىنشى بولىگىن بىردەن العان، قالعانىن تابۋ ءۇشىن 20 كۇن ۋاقىت بەرگەن. بوپسالاۋ دەرەگى ق ر قك-نىڭ 194-بابى 2-بولىگىمەن تىركەلدى. جەدەل جانە ارنايى شارالار كەشەنى جۇرگىزىلدى. “قىلمىستىق تورتتىكتىڭ” قىلمىستىق ارەكەتتەرى قۇجاتتالدى. ولار قىلمىس ۇستىندە ۇستالدى. ق ر قپك-نىڭ 128-بابىنا سايكەس كۇدىكتىلەر ۋۇي-عا قامالدى. اتىس قارۋىن زاڭسىز ساقتاۋ دەرەگى انىقتالدى. ساراپتامالار تاعايىندالدى»، — دەدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.