الماتىدا سوقتىعىسقان ەكى اۆتوبۋستىڭ تەجەگىشتەرى ىستەن شىققان دەگەن اقپارات شىندىققا جاناسپايدى. «الماتىەلەكتروكولىك» ج ش س وسىنداي اقپارات بەردى.
8 قاراشا كۇنى ابىلاي حان داڭعىلى مەن تولە بي كوشەسى قيىلىسىندا جول-كولىك وقيعاسى ورىن الدى، دەپ حابارلايدى Almaty-akshamy.kz.
«الماتىەلەكتركولىك» ج ش س اۆتوبۋستار تەجەگىشتەرىنىڭ ىستەن شىققاندىعى تۋرالى اقپاراتتىڭ شىندىققا جاناسپايتىندىعىن حابارلايدى.
2022 جىلدىڭ 23 قىركۇيەگىندە №201 مارشرۋتتىڭ اۆتوبۋستارىنىڭ سانى ارتتىرىلىپ، جاڭارتىلدى. لياز ماركالى 18 اۆتوبۋستىڭ ورنىنا 2022 جىلى قۇراستىرىلعان Golden Dragon ماركالى 24 اۆتوبۋس جولعا شىعارىلدى. اتالعان شارا جولاۋشىلار تاراپىنان سۇراسنىستىڭ ارتۋىنا بايلانىستى قولدانىلدى.
اۆتوبۋستار اۋىستىرىلعاننان كەيىن ءجۇرىس ينتەرۆالى 12 مينۋتتان 6-7 مينۋتقا دەيىن قىسقاردى. اتالعان اۆتوبۋستار بيىل مامىر ايىندا ساتىپ الىندى، قازىرگى كەزدە شىعارۋشى زاۋىتتىڭ كەپىلدەمەسىندە، تەحنيكالىق اقاۋلارى جوق، تەحنيكالىق تۇيىندەرى مەن اگرەگاتتارى، سونداي-اق تەجەگىشتەرى اقاۋسىز جۇمىس اتقارىپ تۇر.