ەڭ كوپ وتىنىشتەر الماتى، استانا جانە تۇركىستان وبلىستارىنىڭ تۇرعىندارىنان تۇسكەن. ۇلىتاۋ، پاۆلودار جانە اتىراۋ وبلىسى تۇرعىندارىنىڭ بەلسەندىلىگىنىڭ تومەندىگى بايقالادى، دەپ حابارلايدى aqshamnews.kz.
ەگەر قالدىرىلعان ءوتىنىم بويىنشا جۇمىس ساپاسىز اتقارىلعان جاعدايدا، پلاتفورمادا شاعىم بەرۋ فۋنكسياسى بار. چات-بوت ىسكە قوسىلعاننان بەرى 527 شاعىم ءتۇستى، ولاردىڭ كوپشىلىگى اۋماقتارداعى تازالىق جۇمىستارىنىڭ دۇرىس جۇرگىزىلمەۋىنە، قوقىستاردى ۋاقتىلى شىعارماۋىنا جانە جولداردىڭ ناشار جاعدايىنا قاتىستى.
ەستەرىڭىزگە سالا كەتەيىك، @TazaQazBot تەلەگرام-چات-بوتىن ەكولوگيا جانە تابيعي رەسۋرستار مينيسترلىگى 2024 جىلدىڭ ماۋسىم ايىندا قورشاعان ورتا جاعدايىنا قوعامدىق باقىلاۋدى ارتتىرۋ جانە ازاماتتاردى ەكولوگيالىق پروبلەمالاردى شەشۋگە قاتىسۋ ماقساتىندا ىسكە قوستى.
پلاتفورما ەلىمىزدىڭ تۇرعىندارىنا ءارتۇرلى ەكولوگيالىق ماسەلەلەر بويىنشا ءوتىنىش پەن شاعىم بەرۋدىڭ قاراپايىم جانە ىڭعايلى تەتىگىن ۇسىنادى. ءوتىنىمدى جىبەرۋ ءۇشىن اۆتوريزاسيادان ءوتۋ، فوتوسۋرەتتى تىركەۋ، مەكەنجايدى كورسەتۋ جانە ماسەلەنى قىسقاشا سيپاتتاۋ جەتكىلىكتى.
وتىنىمدەر اۆتوماتتى تۇردە ءتيىستى جەرگىلىكتى اتقارۋشى ورگاندارعا جىبەرىلەدى. ورىنداۋشىلار جۇمىس اياقتالعاننان كەيىن فوتوەسەپتى تىركەۋگە مىندەتتى. ال ونى جولداعان ازامات ورىندالۋ بارىسى تۋرالى حابارلاما الادى جانە كورسەتىلگەن قىزمەتتىڭ ساپاسىن باعالاي الادى.
@TazaQazBot چات-بوتىن ەنگىزۋ ارقىلى ەكولوگيالىق پروسەستەردىڭ اشىقتىعىن، جەدەلدىگىن باقىلاي الامىز جانە ازاماتتار دا وسى ماسەلەلەردى شەشۋگە قاتىسا الادى.
پلاتفورما قورشاعان ورتانىڭ لاستانۋىنا جانە ەكولوگيالىق نورمالاردى بۇزۋعا «نولدىك توزىمدىلىك» مادەنيەتىن قالىپتاستىرۋعا ىقپال ەتۋدە.