الماتى قالاسىنىڭ المالى اۋدانىندا پوليسەيلەر ينتەرنەت ارقىلى بىرنەشە الاياقتىق دەرەگىن جاساعان دەگەن كۇدىكپەن 34 جاستاعى ايەلدى ۇستادى، دەپ حابارلايدى aqshamnews.kz.
تەرگەۋ بارىسىندا انىقتالعانداي، كۇدىكتى ينتەرنەت جەلىسىندە برەندتىك كيىم-كەشەك پەن تۇرمىستىق زاتتاردى ساتۋ تۋرالى جالعان حابارلاندىرۋلار ورنالاستىرعان. تاۋاردى ساتىپ الۋعا نيەت بىلدىرگەن ازاماتتاردان الدىن الا نەمەسە تولىق تولەم الىپ، ۋادە ەتىلگەن تاۋاردى جەتكىزبەگەن. قازىرگى ۋاقىتتا پوليسيا قىزمەتكەرلەرى كۇدىكتىنىڭ بىرنەشە الاياقتىق ارەكەتىن تىركەدى. اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 190-بابى (الاياقتىق) بويىنشا سوتقا دەيىنگى تەرگەۋ امالدارى جۇرگىزىلۋدە. ايەل قاماۋعا الىندى.
– قازىرگى تاڭدا ينتەرنەت كەڭىستىگى الاياقتار ءۇشىن الداۋ مەن وڭاي ولجا تابۋدىڭ الاڭىنا اينالىپ وتىر. سوندىقتان تۇرعىنداردان ساق بولۋدى، بەيتانىس تۇلعالارعا اقشا اۋدارماۋدى سۇرايمىز. ەگەر كۇماندى جاعدايلار ورىن السا، دەرەۋ پوليسياعا حابارلاسىڭىزدار. وسى كۇدىكتىنىڭ الاياقتىق ارەكەتتەرىنەن زارداپ شەككەن ازاماتتار بولسا، بىزگە حابارلاسىپ، ارىز جازۋىن سۇرايمىز، – دەدى المالى اۋداندىق پوليسيا باسقارماسىنىڭ باستىعى ماقسات پشان.
پوليسيا الاياقتىقپەن كۇرەستى كۇشەيتۋ باعىتىندا جۇمىس جۇرگىزىپ جاتقانىن مالىمدەدى.