"تازا قازاقستان " باعدارلاماسىن ىسكە اسىرۋ ماقساتىندا اۋماقتىق ەكولوگيا دەپارتامەنتتەرى جەرگىلىكتى اتقارۋشى ورگاندارمەن بىرلەسىپ رەسپۋبليكانىڭ بارلىق وڭىرلەرىندە رۇقسات ەتىلمەگەن قوقىس ۇيىندىلەرىن جويۋ بويىنشا باسپا ءسوز تۋرىن وتكىزدى.
وتكەن جىلمەن سالىستىرعاندا 2024 جىلى انىقتالعان ستيحيالىق پوليگونداردىڭ سانى ەكى ەسە از بولعانىنا قاراماستان(2023 جىلى-5534، 2022 جىلى-4827) ، پروبلەمانىڭ بولۋى ءالى دە بار. ماسەلەن، بيىل 2612 پوليگون انىقتالدى، ونىڭ 1175ء-ى نەمەسە 45% - ى جويىلدى، دەپ حابارلايدى aqshamnews.kz ەكولوگيا جانە تابيعي رەسۋرستار مينيسترلىگىنە سىلتەمە جاساپ.
اقمولا، اقتوبە، اتىراۋ، اباي جانە ۇلىتاۋ وبلىستارىندا جويۋ بويىنشا جۇمىستاردىڭ السىزدىگى بايقالادى.
مەملەكەتتىك ەكولوگيالىق ينسپەكتورلار اكىمشىلىك قۇقىق بۇزۋشىلىق تۋرالى كودەكسكە سايكەس جالپى سوماسى 5،2 ملن.تەڭگەگە 93 لاۋازىمدى ادامدى جاۋاپقا تارتتى.
سونىمەن قاتار، كۇن سايىن قوقىستى زاڭسىز شىعارۋ جانە جيناۋ جاعدايلارى تىركەلۋدە. قۇقىق قورعاۋ ورگاندارىمەن بىرلەسىپ رەيدتىك ءىس-شارالار جۇرگىزىلۋدە. جىل باسىنان بەرى 5082 اكىمشىلىك قۇقىق بۇزۋشىلىق انىقتالىپ، 30 ملن.تەڭگەدەن استام سوماعا ايىپپۇل سالىندى.
اعىمداعى جىلدىڭ شىلدە ايىنان باستاپ حالىقتان وتىنىمدەر الۋدىڭ جاڭا سەرۆيسى جەدەلحاتتار نەگىزىندە-چات-بوت-@TazaQazBot ىسكە قوسىلدى.
ءوتىنىم تۇرىندەگى بارلىق اقپارات جەرگىلىكتى اتقارۋشى ورگاننىڭ وپەراتورىنا كەلىپ تۇسەدى، ول ونى جىكتەيدى جانە ورىنداۋشىنى تاعايىندايدى.
پايدالانۋشىلارعا ىڭعايلى بولۋ جانە جاۋاپتى ورىنداۋشىلاردى انىقتاۋ ءۇشىن بارلىق پروبلەمالىق ماسەلەلەر 17 ساناتقا بولىنەدى، مىسالى: ساياباقتار مەن اللەيالاردى، جولداردى، اۋماقتاردى تازالاۋ، جارىقتاندىرۋ، كوشەلەردى اباتتاندىرۋ، قۇرىلىس جانە تۇرمىستىق قوقىستاردى شىعارۋ، اۋلا الاڭدارى، كىرەبەرىستەردىڭ سانيتارلىق جاعدايى، عيماراتتاردىڭ قاسبەتتەرى، اشىق ليۋكتەر، كوگالداندىرۋ، سۋ ايدىندارىن تازارتۋ جانە باسقالار.
بۇگىنگى كۇنى 3926 ءوتىنىم كەلىپ ءتۇستى، 2952 ورىندالدى، 496 ورىنداۋدا 429 ءوتىنىم جويىلدى جانە 49 ءوتىنىم قايتارىلدى.
ستيحيالىق پوليگونداردى جويۋ جۇمىستارى ءالى دە جالعاسۋدا.