رەسپۋبليكالىق ەكولوگيالىق اكسيا «تازا قازاقستان» اياسىندا ەلوردامىزدىڭ بايقوڭىر اۋدانىندا كۇزگى كوگالداندىرۋ جۇمىستارى باستالدى. اتاپ ايتقاندا، تاشەنيەۆ كوشەسىنىڭ بويىندا 100 ءتۇپ قاراعاي مەن 30 ءتۇپ قايىڭ وتىرعىزىلدى.
اكسياعا 100-گە جۋىق ادام قاتىسىپ، قالانىڭ ەكولوگياسىن جاقسارتۋعا ءوز ۇلەسىن قوستى. ولاردىڭ قاتارىندا ۇلتتىق ۇلاننىڭ اسكەري قىزمەتشىلەرى، جەرگىلىكتى تۇرعىندار جانە بايقوڭىر اۋدانى اكىمدىگى اپپاراتىنىڭ قىزمەتكەرلەرى بولدى.
ءىس-شارانىڭ باستى ماقساتى – قالانىڭ ەكولوگيالىق جاعدايىن جاقسارتۋ، جاسىل جەلەكتەر سانىن ارتتىرۋ جانە تۇرعىنداردى تابيعاتتى ايالاۋعا شاقىرۋ.
وسىنداي كوگالداندىرۋ جۇمىستارى ەلوردانىڭ باسقا اۋداندارىندا دا جۇرگىزىلۋدە. ەسكە سالا كەتسەك، استانادا 13 قىركۇيەكتەن 11 قازانعا دەيىن ءداستۇرلى ەكولوگيالىق ايلىق وتۋدە. بۇل كەزەڭدە قالا تۇرعىندارى مەن ۇيىمدارى اۋلالاردى، كوشەلەردى اباتتاندىرۋعا اتسالىسا الادى.