«تازا بەيسەنبى» – جاستاردىڭ ۇلگىسى

استانادا «تازا قازاقستان» رەسپۋبليكالىق ەكولوگيالىق اكسياسى اياسىندا كەزەكتى «تازا بەيسەنبى» سەنبىلىگى ءوتتى. اكسياعا مامانداندىرىلعان سابيلەر ءۇيىنىڭ قىزمەتكەرلەرى، ستۋدەنتتەر مەن ەرىكتىلەر، سونداي-اق «Amanat» پارتياسىنىڭ جاستار قاناتىنىڭ مۇشەلەرى اتسالىستى.

ولار بىرگە سابيلەر ءۇيىنىڭ اۋلاسىن تازالاپ، ويىن الاڭىن اباتتاندىردى، اعاشتار مەن گۇلدەر وتىرعىزىپ، تاربيەلەنۋشىلەرگە جايلى ءارى ءقاۋىپسىز ورتا قالىپتاستىردى. ۇيىمداستىرۋشىلاردىڭ ايتۋىنشا، مۇنداي ءىس-شارالار تەك تازالىقتى ناسيحاتتاپ قانا قويماي، قوعامنىڭ الەۋمەتتىك جاۋاپكەرشىلىگىن ارتتىرۋعا ىقپال ەتەدى.

ءۆولونتور دياس ەسەنگەلدييەۆ اتاپ وتكەندەي:
– بۇل اكسيا، ەڭ الدىمەن، جاستار ءۇشىن ماڭىزدى. ول ءبىزدى بىرىكتىرىپ قانا قويماي، ەكولوگياعا قۇرمەتپەن قاراۋدى، ۇيىمدارعا قول ۇشىن بەرۋدى ۇيرەتەدى. بۇگىنگى تاڭدا ءبىز سابيلەر ۇيىنە كومەك كورسەتىپ، بالالارعا قۋانىش سىيلادىق، – دەدى ول.

كەرەك دەرەك

• اكسيا 2023 جىلى باستالىپ، جىل سايىن رەسپۋبليكا كولەمىندە تۇراقتى تۇردە وتكىزىلىپ كەلەدى.

• 2024 جىلى ەل بويىنشا 1 ميلليوننان استام قازاقستاندىق سەنبىلىكتەرگە قاتىسىپ، 120 مىڭ توننادان استام قوقىس جينالدى.

• تەك ەلوردادا عانا 15 مىڭنان استام ادام قاتىسقان سەنبىلىكتەر بارىسىندا ساياباقتار، اۋلالار مەن قوعامدىق ورىندار تازارتىلدى.

• «تازا بەيسەنبى» فورماتى – ءار اپتادا مەملەكەتتىك مەكەمەلەر، جاستار ۇيىمدارى جانە ەرىكتىلەردىڭ بىرلەسكەن جۇمىسى رەتىندە داستۇرگە اينالىپ كەلەدى.