ايگىلى امەريكالىق جۇلدىزدى توپ Backstreet Boys الماتىدا ورتالىق ستاديوندا ونەر كورسەتەدى. ءدال قازىرگى اتموسفەرا قانداي؟ Aqshamnews.kz ءتىلشىسىنىڭ ماتەريالىندا.
ءتۇرلى ەلدەن كەلگەن جانكۇيەرلەر ستاديون ماڭىنا جينالىپ جاتىر
جانكۇيەرلەر كونسەرت باستالماي جاتىپ، جينالىپ ۇلگەرگەن. ولار سۇيىكتى انشىلەرىن اسىعا كۇتىپ، ەرەكشە كوڭىل-كۇيدە جۇرگەندەرىن جەتكىزدى. كوپشىلىگى سۇيىكتى توپتارىنىڭ لوگوتيپى بار مەرچ كيىپ، اندەرىنىڭ سوزدەرىن بىرگە ايتىپ، ەستەلىك سۋرەتتەرگە ءتۇسىپ جاتىر.
دايىندىق قالاي؟
جيىندا ەرىكتىلەردىڭ جۇمىسىنا دا ارنايى توقتالدى. قالالىق جاستار ساياساتى باسقارماسىنىڭ باسشىسى ازيز قاجدەنبەكتىڭ ايتۋىنشا، كونسەرتكە 200-گە جۋىق ەرىكتى تارتىلادى. ولار تەك 18 جاستان اسقان جاستاردان ىرىكتەلەدى، ءارقايسىسىنا تەگىن تاماقتانۋ تالوندارى بەرىلەدى.
پوليسيا ەسكەرتۋى
كونسەرتتە قوعامدىق ءتارتىپ ەسكەرۋسىز قالمايدى. الماتى قالالىق پوليسيا دەپارتامەنتىنىڭ مالىمەتىنشە، Backstreet Boys توبىنىڭ كونسەرتى كەزىندە قوعامدىق ءتارتىپ پەن جول قاۋىپسىزدىگىن قامتاماسىز ەتۋگە شامامەن 2،5 مىڭ پوليسيا قىزمەتكەرى جۇمىلدىرىلادى.
مەرەكەلىك كەشكە كەلۋشىلەر سانى كوپ بولعاندىقتان، پوليسيانىڭ كەشەندى كۇشتەرىنىڭ كەزەكشىلىگى كۇشەيتىلەدى. اسىرەسە قوعامدىق ءتارتىپتى ساقتاۋ، قۇقىقبۇزۋشىلىقتاردىڭ الدىن الۋ جانە كولىك اعىنىن رەتتەۋگە ەرەكشە كوڭىل بولىنەدى. ارنايى كولىكتەردىڭ كەدەرگىسىز ءوتۋىن قامتاماسىز ەتۋ جانە كەپتەلىستەردىڭ الدىن الۋ ماقساتىندا اباي داڭعىلى – بايتۇرسىنوۆ، مۇقانوۆ جانە ساتپايەۆ كوشەلەرىنىڭ شەكاراسىنداعى كولىك قوزعالىسى ءىشىنارا شەكتەلۋى مۇمكىن.
الماتى قالالىق پوليسيا دەپارتامەنتى قالا تۇرعىندارىن وسى اقپاراتتى مارشرۋت جوسپارلاۋ كەزىندە ەسكەرۋگە، قوعامدىق ءتارتىپتى ساقتاۋعا جانە پوليسيا قىزمەتكەرلەرىنىڭ نۇسقاۋلارىنا قۇلاق اسۋعا شاقىردى.
ءىس-شارا وتەتىن جەردە ءورت قاۋىپسىزدىگىن الماتى گارنيزونىنىڭ ەكى ءورت ءسوندىرۋ ءبولىمىنىڭ كۇشى مەن تەحنيكاسى قامتاماسىز ەتەدى. سونداي-اق، دەپارتامەنت باسشىلىعى – مەملەكەتتىك ءورت باقىلاۋ باسقارماسىنىڭ باستىعى كانين ك.ل. جانە بوستاندىق اۋدانىنىڭ تج باسقارماسى باستىعى ەلەبەكوۆ ە.س. باقىلاۋدى جۇزەگە اسىرادى.