الماتىداعى تاۋسامالى شاعىن اۋدانىنىڭ بارلىق كوشەلەرىنە 2023 جىلدىڭ قاراشا ايىنىڭ سوڭىنا دەيىن اسفالت توسەلەدى، دەپ حابارلايدى Almaty-akshamy.kz
ناۋرىزباي اۋدانىنا جۇمىس ساپارى بارىسىندا ەربولات دوسايەۆ تاۋسامالى شاعىن اۋدانىنا باردى، مۇندا جولداردى ورتاشا جوندەۋ جۇمىستارى جۇرگىزىلۋدە.
كولىك ينفراقۇرىلىمىنىڭ جاعدايى ەكى جىل بويى شاعىن اۋدان تۇرعىندارىن الاڭداتتى. 2021 جىلى "اك-مەشيت مەليوراتور" ج ش س مەردىگەرلىك ۇيىمى ينجەنەرلىك كوممۋنيكاسيالاردى جۇرگىزگەن سوڭ جوبانى تۇزەتۋ جانە قارجىلاندىرۋدى قايتا ءبولۋ سەبەبىنەن جول جابىنى تولىق توسەلمەدى. جالپى ۇزىندىعى 3،6 كم بولاتىن 6 كوشەنىڭ ۋچاسكەلەرى اسفالتسىز قالدى. قالا باسشىسىنىڭ تاپسىرماسىنا سايكەس، 2023 جىلى ناۋرىزباي اۋدانى اكىمدىگىنىڭ سۇراۋى بويىنشا ورتاشا جوندەۋ جۇمىستارىن جۇرگىزۋگە ءوتىنىش قالالىق موبيلدىلىك باسقارماسىنا جولداندى، جول توسەمىن قالپىنا كەلتىرۋگە جاۋاپتى مەردىگەر – "جەتىسۋ جول قۇرىلىس" ج ش س انىقتالدى.
ناۋرىزباي اۋدانىنىڭ اكىمى نازيرا توعىزبايەۆا قالا باسشىسىنا قازىرگى ۋاقىتتا شاعىن اۋداننىڭ 4 كوشەسىندە اسفالت توسەمدى قالپىنا كەلتىرۋ جۇمىستارى اياقتالعانىن، قالعان ۋچاسكەلەردى اعىمداعى جىلدىڭ 30 قاراشاسىنا دەيىن اياقتاۋ جوسپارلانعانىن باياندادى.
جۇمىس ساپارى بارىسىندا الماتى اكىمى ناۋرىزباي اۋدانىنىڭ تۇرعىندارىمەن كەزدەستى، ولار كولىك ينفراقۇرىلىمىمەن ەكى جىلدىق پروبلەمانى شەشكەنى ءۇشىن العىس ءبىلدىردى، مەگاپوليس باسشىسىنا ساپالى سۋمەن قامتاماسىز ەتۋ ماسەلەلەرىن ايتتى. اتاپ ايتقاندا، "قارعالى" سۋ قابىلداۋ ستانسياسىن ىسكە قوسۋ تۋرالى ءسوز بولدى. ەربولات دوسايەۆ قازقسعزي اعىمداعى جىلدىڭ جازىندا تەست سىناعىنىڭ قورىتىندىلارى بويىنشا ەسكەرتۋلەر جويىلعاننان كەيىن وڭ قورىتىندى بەرگەنىن اتاپ ءوتتى. ستانسياداعى جۇمىستار 95%-عا اياقتالدى. سونداي-اق، 2025 جىلدىڭ سوڭىنا قاراي "اقساي" ستانسياسىنىڭ قۇرىلىسىن اياقتاۋ جوسپارلانۋدا. وسىلايشا، ناۋرىزباي اۋدانى باتىس جاعىنان دا، شىعىس جاعىنان دا ورتالىق سۋمەن ۇزدىكسىز قامتاماسىز ەتىلەدى.
