جۇمىس ساپارى بارىسىندا ناۋرىزباي اۋدانىن ارالاعان الماتى اكىمى ەربولات دوسايەۆ «حالىق قاتىساتىن بيۋدجەت» باعدارلاماسى اياسىندا قولعا الىنعان ءىرى جوبا شۇعىلا شاعىن اۋدانىنداعى جاڭا قوعامدىق كەڭىستىككە باردى.
شاعىن اۋدانداعى جاياۋ جۇرگىنشىلەر ايماعىن اباتتاندىرۋ تۇرعىنداردىڭ كوپتەگەن وتىنىشتەرى بويىنشا جۇرگىزىلدى. ۇزىندىعى 400 مەتر اۋماققا اعاشتار وتىرعىزىلدى، اۆتوماتتاندىرىلعان سۋارۋ جۇيەسى، شامدار مەن ورىندىقتار ورناتىلدى. جوبانى ىسكە اسىرۋمەن «Stamp service» ج ش س مەردىگەر ۇيىمى اينالىستى. جۇمىستار اعىمداعى جىلدىڭ ماۋسىم ايىندا باستالدى جانە قازىرگى ۋاقىتتا تولىعىمەن اياقتالدى، دەپ حابارلايدى Almaty-akshamy.kz.
ناۋرىزباي اۋدانىنىڭ اكىمى نازيرا توعىزبايەۆا قالا باسشىسىنا جوبادا ەرەسەكتەردىڭ دە، بالالاردىڭ دا قاجەتتىلىكتەرى ەسكەرىلگەنىن باياندادى. تۇرعىندار 3 جىل بويى وسى جەردە جول جاساۋدى سۇرادى. الايدا بوس اۋماقتا «شۇعىلا city»، «Alem city» تك باعىتى بويىنشا جۇرگىنشى جولدار عانا ەمەس، سونىمەن قاتار 90-100 اۆتوكولىككە ارنالعان اۆتوتۇراق سالىندى. مەكتەپ جاسىنا دەيىنگى بالالار ءۇشىن لابيرينتتەردەن، ۇيلەردەن، سلايدتاردان، توننەلدەردەن، قۇمسالعىشتاردان، باسپالداقتاردان جانە باسقا دا تاقىرىپتىق ەلەمەنتتەردەن تۇراتىن «بالالارعا ارنالعان قالا» ويىن الاڭى جابدىقتالدى.
جۇمىس ساپارى بارىسىندا اۋدان تۇرعىندارى قالا باسشىسىنا جاڭا ينفراقۇرىلىمدى: ساۋدا ورتالىقتارىن، كينوتەاترلاردى اباتتاندىرۋ جانە سالۋ تۋرالى وتىنىشپەن جۇگىندى. ەربولات دوسايەۆ جاڭا اۋدانداردىڭ دامۋ ديناميكاسى وڭ ەكەنىن اتاپ ءوتتى. قالا ولاردى دامىتۋ بويىنشا جوبالار دايىنداۋدا، ولار الداعى جىلدارى ىسكە اسىرىلاتىن بولادى.
الماتى اكىمى ەربولات دوسايەۆتىڭ تاپسىرماسى بويىنشا بيىل ناۋرىزباي اۋدانى «حالىق قاتىساتىن بيۋدجەت» باعدارلاماسىن ىسكە اسىرۋعا قوسىمشا 875 ملن تەڭگە الدى. وسىلايشا، اۋداندا 2،7 ملرد تەڭگەدەن استام سوماعا 67 جوبا ىسكە اسىرىلۋدا. قوسىمشا قارجىلاندىرۋ تۋرالى شەشىم وسى باعدارلامانىڭ تيىمدىلىگى مەن قالا تۇرعىندارىنىڭ وڭ پىكىرلەرىن ەسكەرە وتىرىپ قابىلداندى.
بۇعان دەيىن قالا باسشىسى اتاپ وتكەندەي، 2024 جىلى «حالىق قاتىساتىن بيۋدجەت» باعدارلاماسىن قارجىلاندىرۋ ۇلعايتىلاتىن بولادى: قالانىڭ 6 اۋدانىنا 2 ملرد تەڭگەدەن جانە الاتاۋ جانە ناۋرىزباي اۋداندارىنا 2،5 ملرد تەڭگەدەن ءبولۋ جوسپارلانۋدا. قوسىمشا قاراجات وزەكتى جانە سۇرانىسقا يە جوبالاردى ىسكە اسىرۋعا باعىتتالاتىن بولادى.