تاۋلىكتىڭ ەڭ ءقاۋىپتى ساعاتى قاي كەزدە؟

عالىمدار تاۋلىكتىڭ ەڭ ءقاۋىپتى مەزگىلىنە تۇنگى ۋاقىتتى جاتقىزىپ وتىر.

سونىڭ ىشىندە تاڭ الدىنداعى ۋاقىت، دالىرەگى، تاڭعى بەس پەن التىنىڭ اراسى ادام ءۇشىن ەڭ ءقاۋىپتى شاق، دەپ ەسەپتەيدى.

بۇل جايىندا islam.kz پورتالى New York Post اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.

بەس پەن التىنىڭ اراسىنداعى 60 مينۋت ادام ورگانيزىمىندە اعزالاردىڭ جۇمىسى ناشارلايدى، بۇل ارالىقتا تەك دەنساۋلىق قانا ەمەس، سونىمەن قاتار، ادامنىڭ كوڭىلى دە قۇلازيتىنىن العا تارتىپ وتىر. ميچيگان ۋنيۆەرسيتەتىنىڭ جانە دارتمۋت مەديسينالىق ينستيتۋتىنىڭ عالىمدارى تاس قاراڭعىلىق ورنايتىن تاڭ الدىنداعى 60 مينۋتتا ادامداردىڭ كوڭىل كۇيى كۇرت تومەندەپ كەتەتەتىنىن انىقتادى.

اتالمىش زەرتتەۋ جەتەكشىسى، Dartmouth Health پيسحياترى بەندجامين شاپيرو ادامنىڭ قالاي ۇيقتاعانىنا قاراماستان كوڭىل-كۇيدىڭ دە تابيعي سيكلدەرى بولاتىنىن اتاپ ءوتتى. دالىرەگى، تاڭەرتەڭ ادامنىڭ كوڭىل كۇيى تومەن بولعانىمەن كۇن ۇزارعان سايىن كوتەرىلەتىن بولىپ شىقتى. عالىمدار ادامنىڭ كوڭىل-كۇيى بەلگىلى ءبىر ىرعاققا باعىناتىنىن اتاپ ءوتتى، ياعني، كوڭىل-كۇي ورگانيزمنىڭ  ىشكى بيولوگيالىق ساعاتىنا بايلانىستى ىرعاققا باعىنادى. بۇل تاراپتاعى زەرتتەۋگە اتسالىسقان ماسساچۋسەت ۋنيۆەرسيتەتىنە قاراستى مەديسينالىق مەكتەپتىڭ وقىتۋشىسى دەنني فورگەر ۇيقىسى شالا ادامنىڭ كوڭىل كۇيى تومەن بولاتىنىن، ياعني، ۇيقىنىڭ ادامنىڭ پسيحيكاسىنا ءسوزسىز اسەرى بولاتىنىن العا تارتىپ وتىر.