قازاقستاندىق گيد-الپينيست پەن رەسەيلىك تۋريست ەلبرۋستا 5 مىڭ مەتر بيىكتىكتەن قۇتقارىلدى.
ولار سەنبى كۇنى ماسكەۋ ۋاقىتىمەن ساعات 22.20-دا (استانا ۋاقىتىمەن ساعات 01.20-دا) ەلبرۋس تاۋىندا 5 مىڭ مەتر بيىكتىكتە قالىپ قويعان تۋريستەردەن كومەك سۇراعان حابارلاما كەلىپ تۇسكەن، دەپ حابارلايدى Almaty-akshamy.kz.
توپ قۇرامىندا رەسەيلىك الپينيست جانە وعان جول كورسەتكەن قازاقستاننان كەلگەن گيد بار، ولاردىڭ اياق-قولدارى ءۇسىپ قالعان"، - دەلىنگەن حابارلامادا.
رەسەي تجم ەلبرۋس تاۋلى ىزدەۋ-قۇتقارۋ جاساعىنىڭ توعىز قۇتقارۋشىسى 2 ساعاتتان سوڭ الپينيستەردى تاپقان.
قۇتقارۋشىلار ولارعا 3850 مەتر بيىكتىكتەگى "گارا-باشي" ستانسياسىنا تۇسۋگە كومەكتەسكەن. الپينيستەر ودان كەيىنگى كومەكتەن باس تارتقان.